ଭୁବନେଶ୍ୱର ଯୁବବର୍ଗମାନେ ଏକ ଯୁବ ମହୋତ୍ସବରେ ଏସଆରଏଚଆର, ମାସିକ ଋତୁସ୍ରାବ ସ୍ୱାସ୍ଥ୍ୟ, ପାରିବାରିକ ହିଂସା ଏବଂ ଅନ୍ୟାନ୍ୟ ବିଷୟରେ ଆଲୋଚନା କଲେ
ଭୁବନେଶ୍ୱର : ଆଜି ଭୁବନେଶ୍ୱରରେ ୟୁଏସଏଆଇଡି ପକ୍ଷରୁ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ, ଜାତୀୟ ସ୍ୱାସ୍ଥ୍ୟ ମିଶନ ଏବଂ ଶିଶୁ ଅଧିକାର ସୁରକ୍ଷା ପାଇଁ ଓଡିଶା ରାଜ୍ୟ ଆୟୋଗର ପ୍ରତିନିଧୀମାନଙ୍କ ସହିତ ମିଳିତ ଭାବେ ସ୍ଥାନୀୟ ଯୁବ ମହୋତ୍ସବ ‘ବାତେଁ ଅନଲକଡ୍’ରେ ଅନ୍ତର୍ଜାତୀୟ ବାଳିକା ଦିବସ ପାଳନ କରାଯାଇଛି । ଏହି ଉତ୍ସବ ଅନ୍ତର୍ଜାତୀୟ ବାଳିକା ଦିବସ-୨୦୨୨ର ବିଷୟବସ୍ତୁ ‘ଆୱାର ଟାଇମ୍ ଇଜ୍ ନାଓ: ଆୱାର ରାଇଟସ୍, ଆୱାର ଫ୍ୟୁଚର’(“ଆମର ସମୟ ବର୍ତମାନ: ଆମର ଅଧିକାର, ଆମର ଭବିଷ୍ୟତ”)କୁ ଆଧାର କରି କଳିଙ୍ଗ ଇନଷ୍ଟିଚ୍ୟୁଟ ଅଫ୍ ସୋସିଆଲ ସାଇନ୍ସ୍(କିସ୍) ଠାରେ ସରକାରୀ ପ୍ରତିନିଧୀ, ବିକାଶ ଭାଗିଦାରୀ ଏବଂ ସମ୍ପ୍ରଦାୟର ନେତୃତ୍ୱାଧୀନ ସଂଗଠନରୁ ୨୦୦ ରୁ ଅଧିକ ଯୁବବର୍ଗଙ୍କୁ ଏକାଠି କରିଥିଲା । ଯୁବବର୍ଗଙ୍କ ଶକ୍ତି ତଥା ଯୁବପୀଢି଼ଙ୍କ ପାଇଁ ବିଶେଷ କରି ବାଳିକାମାନଙ୍କ ଲାଗି ସକ୍ଷମ ପରିବେଶ ସୃଷ୍ଟି କରିବା ଉପରେ ଗୁରୁତ୍ୱାରୋପ କରାଯାଇଥିଲା ।
ବାତେଁ ଅନଲକଡ୍ ହେଉଛି ଏକ ଯୁବ-ନେତୃତ୍ୱାଧୀନ ଅଭିଯାନ । ଏହା ୟୁଏସଏଆଇଡି ମାଧ୍ୟମରେ ଆମେରିକା ସରକାରଙ୍କ ସମର୍ଥନରେ କାର୍ଯ୍ୟ ଜାରି ରଖିଛି । ଯୁବବର୍ଗମାନଙ୍କୁ ସେମାନଙ୍କର ସ୍ୱାସ୍ଥ୍ୟ ଏବଂ ସୁସ୍ଥତା ପାଇଁ ସୂଚନା ଏବଂ ଦାୟିତ୍ୱପୂର୍ଣ୍ଣ ନିଷ୍ପତିଗ୍ରହଣ କରି ସେମାନଙ୍କର ପୂର୍ଣ୍ଣ ସାମର୍ଥ୍ୟକୁ ହୃଦୟଙ୍ଗମ କରିବାକୁ ସକ୍ଷମ କରିଥାଏ । ସାମାଜିକ ପ୍ରଭାବିତ ଏଜେନ୍ସି ପ୍ରପୋଜ୍ଦ୍ୱାରା ଏହା କାର୍ଯକାରୀ ହେଉଥିବାବେଳେ ଏହି ଅଭିଯାନ ବିଭିନ୍ନ ସମ୍ପ୍ରଦାୟର ଯୁବବର୍ଗ, ଯୌନ ଆଭିମୁଖ୍ୟ ଏବଂ ଆଗ୍ରହର କ୍ଷେତ୍ର ସହିତ ଜଡିତ ହୋଇଥାଏ । ଏହାର ମିଶ୍ରିତ ମିଡିଆ ଅଭିଯାନରେ ମଧ୍ୟପ୍ରଦେଶ, ଓଡିଶା, ଛତିଶଗଡ, ଆସାମ ଏବଂ ଝାଡଖଣ୍ଡର ୭ ନିୟୁତରୁ ଅଧିକ ଯୁବବର୍ଗଙ୍କୁ ସାମିଲ କରି ପାରିଛି । ଓଡିଶାରେ ଏହି ଅଭିଯାନ ୫ଟି ଆଦିବାସୀ ଜିଲ୍ଲାର ୫୦ ଜଣ ଯୁବ ନେତାଙ୍କ ସହ ସେମାନଙ୍କର ନେତୃତ୍ୱ ଦକ୍ଷତା ବିକାଶ ତଥା ସେମାନଙ୍କ ସ୍ୱାସ୍ଥ୍ୟ ଉପରେ ପ୍ରଭାବ ପକାଉଥିବା ବିଷୟଗୁଡ଼ିକର ବୁଝାମଣାରେ ଉନ୍ନତି ଆଣିବା ପାଇଁ କାର୍ଯ୍ୟ କରିଥାଏ । ପ୍ରତିନିଧିମାନେ ନିଜର ବାତେଁ ଅନଲକଡ୍ ଯୁବ ଗୋଷ୍ଠୀ ଗଠନ କରିବାକୁ ଆଗେଇ ଆସିଛନ୍ତି । ଏହା ମାଧ୍ୟମରେ ସେମାନେ ନିଜ ସମ୍ପ୍ରଦାୟର ସାଥୀମାନଙ୍କ ସହିତ ବାର୍ତାଳାପ କରିଥାନ୍ତି ।
ବାତେଁ ଅନଲକଡ୍ ଯୁବ ମହୋତ୍ସବରେ ଯୁବବର୍ଗମାନଙ୍କ ପାଇଁ ବୟସ ପୂର୍ବରୁ ତଥା ବାଧ୍ୟତାମୂଳକ ବିବାହ, ଉଚ୍ଚଶିକ୍ଷା, ସେମାନଙ୍କ ସ୍ୱାସ୍ଥ୍ୟ, ପାରିବାରିକ ହିଂସା, ସ୍ଥାନାନ୍ତରଣ ସମ୍ବନ୍ଧୀୟ ସମସ୍ୟା ଏବଂ ଜଳବାୟୁ ପରିବର୍ତନ ସମେତ ବିଭିନ୍ନ ବିଷୟ ଉପରେ ବାର୍ତାଳାପ ସମ୍ପନ୍ନ ହୋଇଥିଲା । ଲିଙ୍ଗ ଏବଂ ଯୌନ ତଥା ପ୍ରଜନନ ସ୍ୱାସ୍ଥ୍ୟ ସମ୍ବନ୍ଧୀୟ ସମ୍ବେଦନଶୀଳ ସମସ୍ୟାର ମୁକାବିଲା ପାଇଁ ଏକ ବାର୍ତା ପ୍ରସାର ଲାଗି ଶ୍ୟାଡୋ ପପେଟର ଏବଂ କଳାକାର ତପୁ ମହାରଣାଙ୍କୁ ତାଙ୍କର ସୃଜନଶୀଳ କଳାକାରିତା ମାଧ୍ୟମରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଦୁଇ ଦିନିଆ କର୍ମଶାଳାରେ, କିସର ଛାତ୍ରଛାତ୍ରୀମାନେ ତପୁଙ୍କ ସହିତ ପପେଟ ନିର୍ମାଣ ଏବଂ କାହାଣୀ ସୃଷ୍ଟି କରି ଏସଆରଏଚଆର ଉପରେ ସେମାନଙ୍କର ଅଭିଜ୍ଞତା ଏବଂ ଦୃଷ୍ଟିକୋଣକୁ ଉପସ୍ଥାପନ କରିଥିଲେ । କିସର ଜଣେ ଯୁବ ପ୍ରତିନିଧୀ କହିଛନ୍ତି ଯେ, ଏହି କର୍ମଶାଳା ଆମ ପାଇଁ ଏକ ମଜାଦାର ଶିକ୍ଷାର ସୁଯୋଗ ଥିଲା ଏବଂ ଏସଆରଏଚଆର ଆମ ପାଇଁ କ’ଣ ଅର୍ଥ ତାହା ବିଷୟରେ ଅଧିକ ଖୋଲା ଏବଂ ସୃଜନଶୀଳ ଭାବରେ କହିବାକୁ ଉତ୍ସାହିତ କରିଥିଲା । କଳାକାର ଏବଂ ଅନ୍ୟ ଯୁବବର୍ଗମାନଙ୍କ ସହ ମିଶି କାର୍ଯ୍ୟ କରିବା ଆମ ସାଥୀ ଯୁବବର୍ଗମାନଙ୍କ ପାଇଁ ଅଧିକ ସହାନୁଭୂତି ସୃଷ୍ଟି କରିବାରେ ଏବଂ ସେମାନେ ସମ୍ମୁଖୀନ ହେଉଥିବା ଆହ୍ୱାନ ସମ୍ପର୍କରେ ଅବଗତ ହେବାରେ ସାହାର୍ଯ୍ୟ କରିଥିଲା ।
ଏହି ଅବସରରେ ୟୁଏସଏଆଇଡି ଭାରତର ସ୍ୱାସ୍ଥ୍ୟ କାର୍ଯ୍ୟାଳୟର ନିର୍ଦ୍ଦେଶିକା ସଙ୍ଗିତା ପଟେଲ କହିଲେ, ଯେତେବେଳେ ଆମେ ଅନ୍ତର୍ଜାତୀୟ ବାଳିକା ଦିବସର ୧୦ ବର୍ଷ ପୂର୍ତି ପାଳନ କରୁଛୁ, ସେତେବେଳେ ୟୁଏସଏଆଇଡି ଝିଅ ମାନଙ୍କୁ ସେମାନଙ୍କ ପରିବାର, ସେମାନଙ୍କ ବିଦ୍ୟାଳୟ ଏବଂ ସେମାନଙ୍କ ସମାଜ ସହ ସହଭାଗୀ ହେବା ପାଇଁ ଆମର ପ୍ରତିବଦ୍ଧତାକୁ ସୂଚିତ କରୁଛି । ସେମାନଙ୍କର ପୂର୍ଣ୍ଣ ସାମର୍ଥ୍ୟ ହାସଲ ପାଇଁ କୌଶଳ ଦକ୍ଷତା ଉପଲବ୍ଧି ପାଇଁ ଉତ୍ସ ମାଧ୍ୟମରେ କାର୍ଯ୍ୟ ଜାରି ରହିଛି । ଯୁବବର୍ଗମାନଙ୍କୁ ସେମାନଙ୍କର ଦୈନଦିନ ଜୀବନ ଏବଂ ଭବିଷ୍ୟତ ଉପରେ ପ୍ରଭାବ ପକାଉଥିବା ବିଷୟ ଉପରେ ପ୍ରଶିକ୍ଷିତ ତଥା ଜଡିତ କରିବା ପାଇଁ ବାତେଁ ଅନଲକଡ ଭଳି ଉତ୍ସବ ଗୁରୁତ୍ୱପୂର୍ଣ୍ଣ ।
ଏହି ଉତ୍ସବ ସମ୍ପର୍କରେ ସୂଚନା ଦେଇ ଝେପିଏଗୋ ଇଣ୍ଡିଆର କଂଟ୍ରି ନିର୍ଦ୍ଦେଶକ ଡାକ୍ତର ସୋମେଶ କୁମାର କହିଲେ, ବାତେଁ ଅନଲକଡ, ୟୁଏସଏଆଇଡିର ମୋମେଂଟମ କଂଟ୍ରି ଆଣ୍ଡ ଗ୍ଳୋବାଲ ଲିଡରଶିିପ: ଇଣ୍ଡିଆ-ୟଶ ପ୍ରୋଜେକ୍ଟ ଦ୍ୱାରା ପରିଚାଳିତ ଏବଂ ଝେପିଆଗୋ ନେତୃତ୍ୱରେ ଯୁବବର୍ଗଙ୍କୁ ସାହାଯ୍ୟ କରିଥାଏ । ପୂର୍ଣ୍ଣ ସମ୍ଭାବନା, ସୁସ୍ଥ, ଉତ୍ପାଦନକାରୀ ଜୀବନଯାପନ ଏବଂ କିଶୋର ତଥା ଯୁବ-ଅନୁକୂଳ ସ୍ୱାସ୍ଥ୍ୟ ସେବା ପାଇଁ ଏକ ସକ୍ଷମ ପରିବେଶ ପ୍ରଦାନ କରିଥାଏ । ଏହା ଯୁବବର୍ଗଙ୍କ ଅନୁପଯୋଗୀ ପରିବାର ଯୋଜନା ଏବଂ ପ୍ରଜନନ ସ୍ୱାସ୍ଥ୍ୟ ଆବଶ୍ୟକତା, ବିଶେଷକରି ଅସୁରକ୍ଷିତ ଯୁବବର୍ଗମାନଙ୍କ ପାଇଁ ଗୁରୁତ୍ୱପୂର୍ଣ୍ଣ ।
ଏହି ଅବସରରେ ମୋମେଂଟମ କଂଟ୍ରି ଆଣ୍ଡ ଗ୍ଳୋବାଲ ଲିଡରଶିିପ: ଇଣ୍ଡିଆ-ୟଶର ଚିଫ୍ ଅଫ୍ ପାର୍ଟି ନୟନ ଚକ୍ରବର୍ତୀ କହିଲେ, ଏହା ଏକ ଅଭିଯାନ ଯାହା ଯୁବବର୍ଗମାନଙ୍କର ଏକ ଶକ୍ତିଶାଳୀ ସାମୂହିକ ସ୍ୱର ଭାବେ ପ୍ରତିଫଳିତ ହୋଇଛି । ଉଭୟ ସ୍ଥାନୀୟ ଏବଂ ଜାତୀୟ ସ୍ତରରେ ଏକ ପ୍ରତିକ୍ରିୟାଶୀଳ, ସମାନ ଏବଂ ସମ୍ମାନଜନକ ସ୍ୱାସ୍ଥ୍ୟସେବା ପ୍ରଣାଳୀ ମାଧ୍ୟମରେ ସେମାନଙ୍କର ଆବଶ୍ୟକତା ଏବଂ ଆକାଂକ୍ଷା ପୂରଣ କରିଥାଏ । ଆମର ଲକ୍ଷ୍ୟ ହେଉଛି ବହୁ-କ୍ଷେତ୍ରୀୟ ସହଯୋଗ ମାଧ୍ୟମରେ ଅର୍ଥପୂର୍ଣ୍ଣ ଭାବେ ଯୁବବର୍ଗ ଅଂଶଗ୍ରହଣକୁ ଅଧିକ ଗୁରୁତ୍ୱ ପ୍ରଦାନ କରିବା ।
ଏହି କାର୍ଯ୍ୟକ୍ରମରେ ଭାରତ ସରକାରଙ୍କ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର କିଶୋର ସ୍ୱାସ୍ଥ୍ୟ ବିଭାଗର ଡେପୁଟି କମିଶନର ଡାକ୍ତର ଜୋୟା ଅଲି ରିଜଭି, ଓଡ଼ିଶା, ଜାତୀୟ ସ୍ୱାସ୍ଥ୍ୟ ମିଶନ, ଆଇଏଏସ ମିଶନ ନିର୍ଦ୍ଦେଶକ ଡାକ୍ତର ବୃନ୍ଧା ଡି,ଓଡିଶା ରାଜ୍ୟ ଶିଶୁ ସୁରକ୍ଷା ଅଧିକାର ଆୟୋଗ (ଓଏସସିପିସିଆର)ର ଅଧ୍ୟକ୍ଷା ଶ୍ରୀମତୀ ମନ୍ଦାକିନୀ କର, ୟୁଏସଏଆଇଡି ଭାରତର ସ୍ୱାସ୍ଥ୍ୟ କାର୍ଯ୍ୟାଳୟର ନିର୍ଦ୍ଦେଶିକା ଶ୍ରୀମତୀ ସଙ୍ଗିତା ପଟେଲ ପ୍ରମୁଖ ଉପସ୍ଥିତ ଥିଲେ ।
