ଭୁବନେଶ୍ବର,୨।୫: ରାଜ୍ୟରେ ବଢୁଥିବା କରୋନା ସଂକ୍ରମଣକୁ ଦେଖି ରାଜ୍ୟ ସରକାର ମେ’୫ରୁ ୧୯ତାରିଖ ପର୍ଯ୍ୟନ୍ତ ରାଜ୍ୟରେ ଲକ୍ଡାଉନ ଘୋଷଣା କରିଛନ୍ତି। ଲକଡାଉନ ଅବଧି ମଧ୍ୟରେ ଏହି ସେବାଗୁଡିକୁ କଟକଣା ମୁକ୍ତ ରଖାଯାଇଛି।
– ଜାରି ରହିବ ଟିକାକରଣ
– କୋଭିଡ ପରୀକ୍ଷା କରାଇପାରିବ
– ବ୍ୟାଙ୍କ ଓ ଏଟିଏମ୍ ସେବା ଜାରି ରହିବ
– ହୋଟେଲରେ ବସି ଲୋକେ ଖାଇ ପାରିବେ ନାହିଁ। କେବଳ ପାର୍ସଲ ନେଇପାରିବେ
– ଲକଡାଉନ ଓ ସଟଡାଉନ ସମୟରେ ଅନ୍ଲାଇନ ଡେଲିଭରି ଏବଂ ହୋମ ଡେଲିଭରିକୁ ଅନୁମତି ମିଳିବ
– ଆମ୍ବୁଲାନ୍ସ ସେବା ଜାରି ରହିବ
– ଔଷଧ ଦୋକାନ ଖୋଲା ରହିବ
– କ୍ଷୀର, ମାଛ, ମାଂସ, ଅଣ୍ଡା ଦୋକାନ ଖୋଲା ରହିବ। ୩୦ ଫୁଟ ଦୂରତା ମଧ୍ୟରେ ପ୍ରତ୍ୟେକ ଦୋକାନ ରହିବ
– ମାଲ ପରିବହନ ସେବା କଟକଣା ମୁକ୍ତ ହେବ
– ହସ୍ପିଟାଲ, କ୍ଲିନିକ, ନର୍ସିଂହୋମ ସେବା ଚାଳୁ ରହିବ
– ଗ୍ୟାରେଜ ଓ ଗାଡି ମରାମତି ଦୋକାନ ଖୋଲା ରହିବ
– ଘରଠୁ ୫୦୦ ମିଟର ଦୂରତା ମଧ୍ୟରେ ସକାଳ ୬ରୁ ମଧ୍ୟାହ୍ନ ୧୨ଟା ମଧ୍ୟରେ ସୋମବାରରୁ ଶୁକ୍ରବାର ଲୋକେ ଅତ୍ୟାବଶ୍ୟକ ସାମଗ୍ରୀ କିଣି ପାରିବେ
– ଶନିବାର ଓ ରବିିବାର ସଟ୍ଡାଉନରେ ପୂର୍ବ ଭଳି କଟକଣା ରହିବ
– ସକାଳ ୫ଟାରୁ ୮ଟା ପର୍ଯ୍ୟନ୍ତ ଖବରକାଗଜ ବିତରଣ କାର୍ଯ୍ୟ ହୋଇପାରିବ
– ବୈଦ୍ୟୁତିକ, ମୁଦ୍ରିତ ଏବଂ ୱେବ ମିଡିଆକୁ ଅନୁମତି ମିଳିବ
– ପେଟ୍ରୋଲ ପମ୍ପ ଏବଂ ରୋଷେଇ ଗ୍ୟାସ ଯୋଗାଣକୁ ଅନୁମତି ମିଳିବ
– ଚାଷ ସମ୍ପର୍କିତ କାର୍ଯ୍ୟକ୍ରମ କଟକଣା ମୁକ୍ତ ରହିବ
– ସେବା ଯୋଗାଇବେ ଇଲେକ୍ଟ୍ରିସିଆନ, ମୋଟର ମେକାନିକ, ପାଇପ ମିସ୍ତ୍ରୀ
ଲକ୍ଡାଉନ ସମୟରେ କ’ଣ ବନ୍ଦ ରହିବ
– ଯାତ୍ରୀବାହୀ ବସ୍ ଚଳାଚଳ ଉପରେ ଲାଗୁ ହେବ କଟକଣା
– ଅଟୋ ରିକ୍ସା, ଟ୍ୟାକ୍ସି, କ୍ୟାବ ଚଳାଚଳ ଉପରେ କଟକଣା
– ସମସ୍ତ ଶିକ୍ଷାନୁଷ୍ଠାନ ଏବଂ କୋଚିଂ ସେଣ୍ଟର ବନ୍ଦ
– ସିନେମା ହଲ, ମଲ୍, ଜିମ୍, ସୁଇମିଂ ପୁଲ, ପାର୍କ ଓ ବାର ବନ୍ଦ ରହିବ
– ଚାଲିପାରିବ ନାହିଁ ସାପ୍ତାହିକ ଓ ଦୈନିକ ହାଟ
– ସାମାଜିକ, ଧାର୍ମିକ, ରାଜନେତିକ ସମାବେଶ ଉପରେ କଟକଣା
– ଯାତ୍ରା, ଅପେରା, ସ୍ପା, ସେଲୁନ, ବ୍ୟୁଟି ପାର୍ଲର ବନ୍ଦ ରହିବ
– ମନ୍ଦିର ଭିତରକୁ ଭକ୍ତଙ୍କ ପ୍ରବେଶ ମନା
