ଭୁବନେଶ୍ଵର,୧୧/୬(ଓଡ଼ିଆ ନ୍ୟୁଜ): ରଜପର୍ବକୁ ଦୃଷ୍ଟିରେ ରଖି ଆସନ୍ତାକାଲି ରାତି ୧୦ଟା ପର୍ଯ୍ୟନ୍ତ ରାତ୍ରୀକାଳୀନ କର୍ଫ୍ୟୁକୁ କୋହଳ କରାଯାଇଛି । ଏନେଇ ସୂଚନା ଦେଇଛନ୍ତି ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା । ଆଗକୁ ଓଡିଶାର ପ୍ରମୁଖ ପର୍ବ ରଜ ଆସୁଛି । ସେଥିପାଇଁ ସମସ୍ତଙ୍କୁ ରଜ ପର୍ବର ପୂର୍ବ ପ୍ରସ୍ତୁତି କରିବା ପାଇଁ କରୋନା କଟକଣାକୁ ସାମାନ୍ୟ କୋହଳ କରାଯାଇଛି । କେବଳ ଶୁକ୍ରବାର ଦିନ ଅର୍ଥାତ ୧୨ ତାରିଖ ଦିନ ଏହାକୁ କୋହଳ କରାଯାଇଛି । ଶୁକ୍ରବାର ଦିନ ସନ୍ଧ୍ୟା ୭ଟା ପରିବର୍ତ୍ତେ ରାତି ୧୦ଟାରୁ ରାତ୍ରିକାଳିନ କର୍ଫ୍ୟୁ ଲାଗୁ ହେବ ବୋଲି ସୂଚନା ଜାରି କରାଯାଇଛି । ରାତି ୧୦ଟାରୁ କର୍ଫ୍ୟୁ ଲାଗୁ ନେଇ ଏସଆରସି ସୂଚନା ପ୍ରଦାନ କରିଛନ୍ତି ।
