ନୂଆଦିଲ୍ଲୀ, ୧୪/୫(ଓଡ଼ିଆ ନ୍ୟୁଜ) : ଭାରତରେ କରୋନା ଆକ୍ରାନ୍ତ ଏବଂ ମୃତ୍ୟୁ ସଂଖ୍ୟା ବଢ଼ି ଚାଲିଛି। ଗୁରୁବାର ସକାଳ ସୁଦ୍ଧା ମୃତ୍ୟୁ ସଂଖ୍ୟା ୨୫୪୯କୁ ବୃଦ୍ଧି ପାଇଛି। ଗତ ୨୪ ଘଣ୍ଟାରେ ୧୩୪ ଜଣଙ୍କ ମୃତ୍ୟୁ ଘଟିଥିବାବେଳେ ୩୭୨୨ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଫଳରେ ଦେଶରେ ମୋଟ ସଂକ୍ରମିତଙ୍କ ସଂଖ୍ୟା ୭୮ ହଜାର ୩ରେ ପହଞ୍ଚିଛି। ସେମାନଙ୍କ ମଧ୍ୟରୁ ୨୬ ହଜାର ୨୩୪ ଜଣ ସୁସ୍ଥ ହୋଇଥିବାବେଳେ ୪୯ ହଜାର ୨୧୯ ଜଣ ଏବେ ଚିକିତ୍ସାଧୀନ ଥିବା କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି।ମହାରାଷ୍ଟ୍ରରେ କରୋନା ସ୍ଥିତି ଚିନ୍ତାଜନକ ରହିଛି। ଏଠାରେ ସର୍ବାଧିକ ୨୫ ହଜାର ୯୨୨ ସଂକ୍ରମିତ ଚିହ୍ନଟ ହୋଇଥିବାବେଳେ ୯୭୫ ଜଣ ପ୍ରାଣ ହରାଇଛନ୍ତି। ସେହିପରି ଗୁଜରାଟରେ ୨ୟ ସର୍ବାଧିକ ୯୨୬୮ ଆକ୍ରାନ୍ତ ଚିହ୍ନଟ ହୋଇଥିବାବେଳେ ୫୬୬ ଜଣଙ୍କ ମୃତ୍ୟୁ ଘଟିଛି। ଏହାବ୍ୟତୀତ ଦିଲ୍ଲୀରେ ୭୯୯୮ ଆକ୍ରାନ୍ତ ଓ ୧୦୬ ମୃତ, ତାମିଲନାଡୁରେ ୯୨୨୭ ଆକ୍ରାନ୍ତ ଓ ୬୨ ମୃତ, ରାଜସ୍ଥାନରେ ୪୩୨୮ ଆକ୍ରାନ୍ତ ଓ ୧୨୧ ମୃତ, ମଧ୍ୟପ୍ରଦେଶରେ ୪୧୭୩ ଆକ୍ରାନ୍ତ ଓ ୨୩୨ ମୃତ, ଉତ୍ତରପ୍ରଦେଶରେ ୩୭୫୮ ଆକ୍ରାନ୍ତ ଓ ୮୬ ମୃତ, ଆନ୍ଧ୍ରପ୍ରଦେଶରେ ୨୧୩୭ ଆକ୍ରାନ୍ତ ଓ ୪୭ ମୃତ, ପଞ୍ଜାବରେ ୧୯୨୪ ଆକ୍ରାନ୍ତ ଓ ୩୨ ମୃତ, ପଶ୍ଚିମବଙ୍ଗରେ ୨୨୯୦ ଆକ୍ରାନ୍ତ ଓ ୨୦୭ ମୃତ, ତେଲେଙ୍ଗାନାରେ ୧୩୬୭ ଆକ୍ରାନ୍ତ ଏବଂ ୩୪ ଜଣଙ୍କ ମୃତ୍ୟୁ ଘଟିଛି। ସେହିପରି ଓଡିଶାରେ ୬୧୧ ଆକ୍ରାନ୍ତ ଏବଂ ୩ ଜଣଙ୍କ ମୃତ୍ୟୁ ଘଟିଛି।
