ଭୁବନେଶ୍ଵର,୧୪/୪(ଓଡ଼ିଆ ନ୍ୟୁଜ) : ଓଡିଶା ବହାରୁ ଆସୁଥିବା ପ୍ରବାସୀଙ୍କ ସହାୟତା ପାଇଁ ଆଜିଠୁ ଗଡିଛି ମୋ ବସ । ରାଜ୍ୟ ସରକାରଙ୍କ ନିର୍ଦେଶ ଅନୁସାରେ ଭୁବନେଶ୍ଵରର ବିଜୁ ପଟ୍ଟନାୟକ ଅନ୍ତର୍ଜାତିୟ ବିମାନ ବନ୍ଦର ଏବଂ ଭୁବନେଶ୍ଵର ରେଳ ଷ୍ଟେସନରୁ ମୋ ବସ ସେବା ଆରମ୍ଭ କରାଯାଇଛି । ଭୁବନେଶ୍ୱର ସମେତ କଟକ ଓ ଖୋର୍ଦ୍ଧା ସହରର ଯାତ୍ରୀଙ୍କ ଯାତାୟାତକୁ ନଜରରେ ରଖି ନିର୍ଦ୍ଧିଷ୍ଟ କେତେକ ରୁଟ୍ରେ ଏହି ବସ୍ ଗଡିବ। ପ୍ରଥମ ପର୍ଯ୍ୟାୟରେ ମୋଟ ୪ଟି ବସ୍ ଚାଲିବ। ୨ଟି ବିମାନବନ୍ଦରରେ ୨ଟି ରେଳ ଷ୍ଟେସନରେ ରହିବ। ବସ୍ ଭିତରେ ସାମାଜିକ ଦୂରତା ସହ ଯାତ୍ରୀମାନେ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି। ବିମାନ ଓ ଟ୍ରେନ୍ରେ ଆସୁଥିବା ଭୁବନେଶ୍ଵର ,ଖୋର୍ଦ୍ଧା ଓ କଟକର ଯାତ୍ରୀଙ୍କ ଯାତାୟତକୁ ନଜରରେ ରଖି ମୋ ବସ୍ ସେବା ଆରମ୍ଭ କରାଯାଇଛି । ମୋ ବସରେ ସାମଜିକ ଦୂରତ୍ଵ ପାଳନ କରିବା ସହ ମାସ୍କ ପିନ୍ଧି ଯାତ୍ରା କରିପାରିବେ । ପ୍ରତିଦିନ ବସ ଗୁଡିକୁ ବିଶୋଧନ କରାଯିବ।
