ଓ୍ବାଶିଂଟନ,୨୪ା୧୨: ନାସା ଲଞ୍ଚ୍ କରିବା ପୂର୍ବରୁ ଜେମ୍ସ ଓ୍ବେବ୍ ଟେଲିସ୍କୋପର ଫଟୋ ପ୍ରକାଶ କରିଛି। ଏହି ଟେଲିସ୍କୋପ୍ ମହାକାଶରେ ସବୁଠାରୁ ଶକ୍ତିଶାଳୀ ହେବ ବୋଲି ତାଲିକାରେ ରହିଛି। ପାଣିପାଗ ଓ ପ୍ରଯୁକ୍ତି ବିଦ୍ୟା ହେତୁ ଲଞ୍ଚ୍ରେ ବିଳମ୍ବର ସମ୍ମୁଖୀନ ହେବା ପରେ ଜେମ୍ସ ଓ୍ବେବ୍ ଟେଲିସ୍କୋପ ବର୍ତ୍ତମାନ ସମ୍ପୂର୍ଣ୍ଣ କାର୍ଯ୍ୟକ୍ଷମ। ତେବେ ଡିସେମ୍ବର ୨୫ ଅର୍ଥାତ୍ ବଡ଼ଦିନ ଉପଲକ୍ଷେ ଏହା ମହାକାଶକୁ ପଠାଯିବ। ମହାକାଶରେ କୋଟି କୋଟି ବର୍ଷର ଘଟଣାବଳୀ ସମ୍ପର୍କରେ ଏହି ଟେଲିସ୍କୋପ ଡାଟା ସଂଗ୍ରହ କରିବ।
ଏହି ଟେଲିସ୍କୋପ୍ ହେଉଛି ଏମିତି ଏକ ଟେଲିସ୍କୋପ ଯାହା ହବଲର ଉତ୍ତରାଧିକାରୀ, ଇନ୍ଫ୍ରାଡ ଲାଇଟ୍ ମାଧ୍ୟମରେ ଅନ୍ତରୀକ୍ଷରେ ଲୁକ୍କାୟିତ ଅଂଶଗୁଡ଼ିକୁ ଦେଖାଇବ। ଏହା ପୃଥିବୀଠାରୁ ୧.୫ ମିଲିୟନ କିଲୋମିଟର ଦୂରରେ ମହାକାଶରେ ସ୍ଥାପନ କରାଯିବ। ଏହି ଦୂରବୀକ୍ଷଣ ଯନ୍ତ୍ର ଗ୍ରହର ପ୍ରଣାଳୀ ମାପିବାରେ ସକ୍ଷମ ହେବ। ସେଠାରେ ସମ୍ଭାବ୍ୟ ଜୀବନ ଖୋଜିବାରେ ମଧ୍ୟ ସକ୍ଷମ ହେବ। ଏହି ଟେଲିସ୍କୋପ ଜରିଆରେ ୧୩.୫ ବିଲିୟନ ବର୍ଷ ପୂର୍ବେ ପୃଥିବୀରେ ଘଟିଥିବା ସମସ୍ତ ଘଟଣାବଳୀ ସମ୍ପର୍କରେ ସାରା ବିଶ୍ୱବାସୀ ଜାଣିପାରିବେ।
