ଭୁବନେଶ୍ୱର : ଟୋଙ୍ଗ-ଇଲ୍-ମୁଁ-ଡୁ ଓଡିଶା ସଂଘ ପକ୍ଷରୁ ରାଜ୍ୟସ୍ତରୀୟ ଟୋଙ୍ଗ-ଇଲ୍-ମୁଁ-ଡୁ କୌଶଳ ପ୍ରଶିକ୍ଷଣ କର୍ମଶାଳା ୟୁନିଟ ୯ ସ୍ଥିତ ବୁଦ୍ଧ ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ଦେବଗଡ ଚିନ୍ମୟ ବିଦ୍ୟାଳୟର ଚେୟାରମ୍ୟାନ ସ୍ୱାମୀ ନିଗମାନନ୍ଦ ସରସ୍ୱତୀ, ଫେଡରେସନ୍ ସଭାପତି ବୀର କିଶୋର ଦେବ ଯୋଗଦେଇ କର୍ମଶାଳାକୁ ଉଦଘାଟନ କରିଥିଲେ । ଏଥିରେ ଟୋଙ୍ଗ-ଇଲ୍-ମୁଁ-ଡୁ ଖେଳର ଜାତୀୟ ଓ ଆନ୍ତର୍ଜାତୀୟ ନିୟମାବଳୀ, ପଏଣ୍ଟ ହାତେଇବାର ବିଭିନ୍ନ କୌଶଳ ସମ୍ବଦ୍ଧରେ ଶିକ୍ଷା ପ୍ରଦାନ କରାଯାଇଥିଲା । ରେଫରୀ ଜନ୍ମେଜୟ ରଥ ଓ ଅନୁରାଗ ନନ୍ଦ ପ୍ରଶିକ୍ଷଣ ଦେଇଥିଲେ । ଓଡିଶାର ୧୫ ଟି ଜିଲ୍ଲାରୁ ଶତାଧିକ ଛାତ୍ରଛାତ୍ରୀ ଅଂଶଗ୍ରହଣ କରି ଶିକ୍ଷା ଗ୍ରହଣ କରିଥିଲେ । ଏହି ଅବସରରେ ପ୍ରତ୍ୟେକ ଜିଲ୍ଲାର ସଭାପତି ଓ ସମ୍ପାଦକ ମନଙ୍କୁ ସମ୍ବର୍ଦ୍ଦିତ କରାଯିବା ସହିତ ସ୍ୱୀକୃତି ପତ୍ର ପ୍ରଦାନ କରାଯାଇଥିଲା । ସମ୍ପାଦକ ଲଲାଟ କୁମାର ପରିଡା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
