ନିଫ୍ଟ ଭୁବନେଶ୍ୱର ପକ୍ଷରୁ ଆଲୁମ୍‌ନି ମିଟ୍ -୨୦୨୪ ଅନୁଷ୍ଠିତ

ଭୁବନେଶ୍ୱର: ନ୍ୟାଶନାଲ ଇନ୍‌ଷ୍ଟିଚ୍ୟୁଟ୍ ଅଫ୍ ଫ୍ୟାଶନ ଟେକ୍ନୋଲୋଜି (ନିଫ୍ଟ) ଭୁବନେଶ୍ୱର ପକ୍ଷରୁ ଏହାର ବାର୍ଷିକ ଆଲୁମ୍‌ନି ମିଟ୍ -୨୦୨୪ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ପୂରୁଣା ସାଙ୍ଗମାନଙ୍କର କ୍ୟାମ୍ପସ୍‌ ସ୍ମୃତିକୁ ଉଦ୍‌ଜୀବିତ କରିଥିବା ସହ ସେମାନଙ୍କୁ ପୁନର୍ବାର ଏକାଠି କରିଥିଲା । ଇଣ୍ଟରାକ୍ଟିଭ ଅଧିବେସନରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ପୁରାତନ ଛାତ୍ରଛାତ୍ରୀମାନେ ସେମାନଙ୍କ ଫାକଲ୍ଟି ଏବଂ ସେମାନଙ୍କ ବିଭାଗର ଅନ୍ତିମ ବର୍ଷର ଛାତ୍ରଛାତ୍ରୀମାନଙ୍କ ସହ ଆଲୋଚନାଚକ୍ରରେ ଭାଗ ନେଇଥିଲେ । ମାନ୍ୟଗଣ୍ୟ ବ୍ୟକ୍ତିଙ୍କ ଦ୍ୱାରା ପ୍ରଦୀପ ପ୍ରଜ୍ଜ୍ୱଳନ କରାଯାଇ କାର୍ଯ୍ୟକ୍ରମ ଆରମ୍ଭ ହୋଇଥିଲା । ରିଜିଓନାଲ ଇଣ୍ଡଷ୍ଟ୍ରି କୋଅର୍ଡିନେଟର ଡଃ ଗୈାତମ ସାହା ସ୍ୱାଗତ ସମ୍ଭାଷଣ ଦେଇ ପୁରାତନ ଛାତଛାତ୍ରୀମାନଙ୍କୁ ସେମାନଙ୍କ ଉପସ୍ଥିତି ପାଇଁ ଧନ୍ୟବାଦ ଜଣାଇଥିଲେ । ନିର୍ଦ୍ଦେଶକ ରାଜେଶ କୁମାର ଝା ପୁରାତନ ଛାତଛାତ୍ରୀମାନଙ୍କୁ ଆନୁଷ୍ଠାନିକ ଭାବେ ସ୍ୱାଗତ ଜଣାଇବା ସହ ଉପସ୍ଥିତ ସମସ୍ତଙ୍କୁ ସମ୍ବୋଧିତ କରିଥିଲେ । ଛାତ୍ରଛାତ୍ରୀମାନଙ୍କ ପ୍ରତିବଦ୍ଧତା ଓ ସହଯୋଗ ପାଇଁ ସେମାନଙ୍କୁ ପ୍ରଶଂସା କରିଥିଲେ । ଏହି ଅବସରରେ ୨୦୨୪ ମେଡାଲ ବିଜେତା, ଓଏନ୍‌ଡିସି ଦ୍ୱାରା ପରିଚାଳିତ ଜାତୀୟ ସ୍ତରୀୟ ପ୍ରତିଯୋଗିତାରେ ହ୍ୟାକାଥନ୍ ୨୦୨୪ ବିଜେତା,ଏଫ୍‌ଓଏଆଇଡି ନ୍ୟାଶନାଲ ଫେଷ୍ଟିଭାଲ ଅଫ୍‌ ଆର୍‌କିଟେକ୍ଟର ଆଣ୍ଡ୍ ଇଣ୍ଟେରିୟର ଡିଜାଇନ୍‌ିଂ ୨୦୨୪ର ସ୍ୱର୍ଣ୍ଣ ପଦକ ବିଜେତାଙ୍କୁ ରାଜେଶ କୁମାର ଝା ପୁରସ୍କୃତ କରିଥିଲେ । ଛାତ୍ରଛାତ୍ରୀମାନଙ୍କ ଦ୍ୱାରା ବିଭିନ୍ନ ଚିତ୍ତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ଏବଂ ହାଉସି ଗେମ୍‌ ଆଦି ପ୍ରଦର୍ଶିତ ହୋଇଥିଲା ଯାହା ଉପସ୍ଥିତ ସମସ୍ତଙ୍କୁ ଆକର୍ଷିତ କରିଥିଲା ।

ଆସିଷ୍ଟାଣ୍ଟ ପ୍ରଫେସର ରବି ପ୍ରକାଶ ଧନ୍ୟବାଦ ଅର୍ପଣ କରିଥିଲେ । ଏହି ଆଲୁମ୍‌ନି ମିଟ୍ -୨୦୨୪ ନିଫ୍ଟ ଭୁବନେଶ୍ୱର ଏବଂ ଏହାର ପ୍ରିୟ ପୁରାତନ ଛାତ୍ରଛାତ୍ରୀଙ୍କ ମଧ୍ୟରେ ଏକ ପ୍ରତିବଦ୍ଧସମ୍ପନ୍ନ ସମ୍ପର୍କକୁ ରୂପରେଖ ଦେବାରେ ସଫଳ ହୋଇଛି ।