ଭୁବନେଶ୍ୱର,୨୪ା୧୧ ଭାରତୀୟ ସ୍ତ୍ରୀକର୍କଟ ବିଶେଷଜ୍ଞ ସଂଘ ପକ୍ଷରୁ ୩୦ ତମ ଜାତୀୟ ସ୍ତରୀୟ ସ୍ତ୍ରୀକର୍କଟ ରୋଗ ବିଶେଷଜ୍ଞ ସମ୍ମିଳନୀ ଭୁବନେଶ୍ୱରର ଏକ ତାରକା ହୋଟେଲରେ ଉଦ୍ଘାଟିତ ହୋଇଯାଇଛି । ମୁଖ୍ୟ ଅତିଥି ଭାବେ ଓଡିଶା ସରକାରଙ୍କ ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା ଯୋଗଦେଇ ଉଦ୍ଘାଟନ କରିଥିଲେ । ଅନ୍ୟ ବିଶିଷ୍ଟ ଅତିଥି ମାନଙ୍କ ମଧ୍ୟରେ ପୃଷ୍ଠପୋଷକ ଡ. ବାଦଲ କୁମାର ମହାନ୍ତି, ଡ. ପୂର୍ଣ୍ଣଚନ୍ଦ୍ର ମହାପାତ୍ର, ଏଜିଓଆଇର ଅଧ୍ୟକ୍ଷା ଡ. କସ୍ତୁରୀ ଲାଲ, ସଭାପତି ଡ. ଅମିତା ମାହେଶ୍ୱରୀ, ସାଧାରଣ ସମ୍ପାଦିକା ଡ. ଭାଗ୍ୟଲକ୍ଷ୍ମୀ ନାୟକ, ନିର୍ବାଚିତ ସଭାପତି ଡ. ରୂପିନ୍ଦର ଶେଖୋନ, ସାଙ୍ଗଠନିକ ସମ୍ପାଦକ ଡ. ଜନ୍ମେଜୟ ମହାପାତ୍ର ପ୍ରମୁଖ ଯୋଗଦେଇ ସ୍ତ୍ରୀକର୍କଟ ରୋଗ ସମ୍ବଦ୍ଧରେ ବକ୍ତବ୍ୟ ରଖିଥିଲେ । ୧୯୯୧ ମସିହାରୁ ଗଠିତ ଏହି ସଂଘ ସ୍ତ୍ରୀକର୍କଟ ରୋଗର ପ୍ରାରମ୍ଭିକ ଅବସ୍ଥାରେ ଚିହ୍ନଟି କରଣ ଏବଂ ସଠିକ ଚିକିତ୍ସା କ୍ଷେତ୍ରରେ କାର୍ଯ୍ୟ କରିଆସୁଛି । ଦେଶର ଅଗଣିତ ସ୍ତ୍ରୀକର୍କଟ ରୋଗୀ ମାନଙ୍କୁ ଉଚ୍ଚ କୋଟିର ବିଶ୍ୱସ୍ତରୀୟ ଚିକିତ୍ସା ଉପଲବ୍ଧ କରାଇବା ପାଇଁ ସ୍ତ୍ରୀକର୍କଟ ରୋଗ ସମ୍ବନ୍ଧୀୟ ଉଚ୍ଚ ଶିକ୍ଷାର ପ୍ରଚଳନ ଦେଶର ପ୍ରତିଷ୍ଠିତ ଆଞ୍ଚଳିକ କର୍କଟ ଗବେଶଣା କେନ୍ଦ୍ର ଗୁଡିକରେ ପ୍ରଚଳନ କରାଇବାରେ ଏକ ପ୍ରମୂଖ ବୂମିକା ଗ୍ରହଣ କରିଅଛି । ଦେଶର ଯୁବ ସ୍ତ୍ରୀରୋଗ ବିଶେଷଜ୍ଞ ମାନଙ୍କୁ ସ୍ତ୍ରୀକର୍କଟ ରୋଗ ଚିକିତ୍ସାରେ ବୃତିଗତ ରୂପେ ଉସର୍ଗୀକୃତ ହେବାପାଇଁ ଉତ୍ସାହିତ କରିବା ଉଦ୍ଦେଶ୍ୟରେ ସଂଘ ପକ୍ଷରୁ ପ୍ରତିବର୍ଷ ସର୍ବଭାରତୀୟ ସ୍ତରରେ ଦେଶର ବିଭିନ୍ନ ରାଜ୍ୟରେ ସମ୍ମେଳନ ଆୟୋଜିତ ହୋଇଆସୁଛି । ଓଡ଼ିଶା ଶାଖା ପକ୍ଷରୁ ପରିଚାଳିତ ଏହି ସମ୍ମିଳନୀରେ ଦେଶର ବିଭିନ୍ନ ପ୍ରାନ୍ତରୁ ୪ ଶହରୁ ଉର୍ଦ୍ଧ୍ବ ଅଭିଜ୍ଞ ଡାକ୍ତରମାନେ ଯୋଗ ଦେଇଛନ୍ତି। ଏହା ତିନିଦିନ ଧରି ଚାଲିବ।
ସାଧାରଣ ସମ୍ପାଦିକା ଡ. ଭାଗ୍ୟଲକ୍ଷ୍ମୀ ନାୟକ ବାର୍ଷିକ ବିବରଣୀ ପାଠ କରିଥିଲେ । କର୍କଟ କ୍ଷେତ୍ରରେ ଜୀବନ ବ୍ୟାପି ଉପଲବ୍ଧି ପାଇଁ ଡ. ଆବ୍ରାହିମ ପେଡିକ୍ଲିଙ୍କୁ ପୁରସ୍କୃତ କରାଯାଇଥିଲା । ଏହି ସମ୍ମଳନୀରେ ୪ ଜଣ ଆନ୍ତର୍ଜାତୀୟ ପ୍ରତିନିଧି ଆମେରିକାର ଡ. ଶଶିକାନ୍ତ ହେଲେ, ଅଷ୍ଟ୍ରେଲିଆର କୈଳାଶ ନାରାୟଣ, ବେଲାରସର ଡ. ଓଗ୍ଲା ଓ ୟୁକେର ଜାନେଶ ଗୁପ୍ତା ପ୍ରମୁଖ ଯୋଗଦାନ କରିଥିଲେ । ଏହି ଅବସରରେ ଇ-ସମ୍ମେଳନ ସ୍ମରଣିକା ମୁଖ୍ୟ ଅତିଥିଙ୍କ ଦ୍ୱାରା ଉନ୍ମୋଚିତ ହୋଇଥିଲା । ଡ. ମନୋରଋ୍ଜନ ମହାପାତ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
