କଟକ,୨୯/୪ : ପୁଲିସ୍ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ ଶେଖ୍ ବାବୁ ଆହତ ହୋଇଛି। କମିଶନରେଟ୍ ପୁଲିସର ସ୍ପେଶାଲ ସ୍କ୍ୱାର୍ଡ ପକ୍ଷରୁ ଏହି ଏନକାଉଣ୍ଟର ହୋଇଛି। ତେବେ ଏନକାଉଣ୍ଟରରେ ବାବୁର ବାମ ଗୋଡ଼ରେ ଗୁଳି ବାଜିଛି। ଆହତ ବାବୁକୁ କଟକ ବଡ଼ ଡାକ୍ତଖାନାରେ ଭର୍ତ୍ତି କରାଯାଇଛି। ବାବୁ ନାଁରେ କଟକର ବିଭିନ୍ନ ଥାନାରେ ୨୧ଟି ମାମଲା ରହିଛି। ବାରଙ୍ଗ-ଚନ୍ଦକା ରାସ୍ତାରେ ଶେଖ୍ ବାବୁ ଓ ପୁଲିସ୍ ସହ ମୁହାଁମୁହିଁ ହୋଇଥିଲା। ପୁଲିସ ତା’କୁ ଧରିବାକୁ ଚେଷ୍ଟା କରିବାରୁ ପ୍ରଥମେ ବାବୁ ପୁଲିସ ଉପରକୁ ଗୁଳି ଚଳାଇଥିଲା। ପରେ ପୁଲିସର ପାଲଟା ଗୁଳିରେ ବାବୁ ଆହତ ହେଇଥିଲା। ଏହି ଏନ୍କାଉଣ୍ଟର ପରେ ବାବୁଠାରୁ ବନ୍ଧୁକ ଓ ଗୁଳି ଜବତ ହୋଇଛି।
