ଭୁବନେଶ୍ୱର,: ଭୁବନେଶ୍ୱର ମହାନଗର ନିଗମ ଅନ୍ତର୍ଗତ ୧୨ ନମ୍ବର ୱାର୍ଡର ପାତ୍ରସାହିରେ ବନ୍ଧୁ ମିଳନ ଉତ୍ସବ ଓ ନୂତନ ରାସ୍ତାର ଉଦ୍ଘାଟନ ମହାସମାରୋହରେ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ଉତ୍ତର ବିଧାୟକ ସୁଶାନ୍ତ କୁମାର ରାଉତ, ସମ୍ମାନିତ ଅତିଥି ଭାବେ ଲର୍ପୋରେଟର ଜୟନ୍ତୀ ସାହୁ ଓ ପ୍ରସନ୍ନ କୁମାର ସାହୁ ପ୍ରମୁଖ ଯୋଗଦେଇ ନୂତନ ରାସ୍ତାର ଉଦ୍ଘାଟନ କରିଥିଲେ । ଅନ୍ୟ ଅତିଥି ମାନଙ୍କ ମଧ୍ୟରେ ଚଗଲା ଜେନା, ଗଗନ ପଣ୍ଡା ଯୋଗଦାନ କରିଥିଲେ । ଦୀର୍ଘ ଦିନ ହେବ ପାତ୍ରସାହି କ, ଖ ଓ ଗ ବାସିନ୍ଦା ମାନଙ୍କ ମଧ୍ୟରେ ମନମାଳିନ ଘଟି ଅଲଗା ଅଲଗା ହୋଇଯାଇଥିଲା । ଫଳରେ ସାହିରେ ଉନ୍ନତି ମୂଳକ କାର୍ଯ୍ୟରେ ବାଧାପ୍ରାପ୍ତ ହେଉଥିଲା । କେହି କାହାରି ମଧ୍ୟରେ ପଡୁ ନଥିଲା । କର୍ପୋରେଟର ଶ୍ରୀମତୀ ସାହୁଙ୍କ ଉଦ୍ୟମ କ୍ରମେ ଓ ଯୁବ ସମାଜସେବୀ ପ୍ରସନ୍ନ ସାହୁଙ୍କ ସହେଯାଗରେ ଏବଂ ଉତ୍ତର ବିଧାୟକଙ୍କ ନିର୍ଦ୍ଦେଶରେ ସମସ୍ତ ବସ୍ତି ବାସିନ୍ଦା ଏକତ୍ରିତ ହୋଇ ପୁରୁଣା ବାଇଚାରା ଫେରାଇ ଆଣିବା ସହିତ ଉତ୍ସବ ମନାଇଥିଲେ । ଏହି ଅବସରରେ ସାହିର ପିଲା ମାନଙ୍କ ମଧ୍ୟରେ ନୃତ୍ୟ, ଗୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କୃତୀ ପ୍ରତିଯୋଗୀ ମାନଙ୍କୁ ଅତିଥିମାନେ ପୁରସ୍କୃତ କରିଥିଲେ । ସାହିର ଆବାଳବୃଦ୍ଧବନିତା ଏକତ୍ର ଭୋଜନ କରି ପରସ୍ପର ମଧ୍ୟରେ ଖୁସି ବାଣ୍ଟି ଥିଲେ । ସମସ୍ତ କାର୍ଯ୍ୟକ୍ରମକୁ କମିଟିର ସଦସ୍ୟ ମାନେ ପରିଚାଳନା କରିଥିଲେ ।
