ନୂଆଦିଲ୍ଲୀ,୮।୨ : ସାଧାରଣ ଲୋକ ପୁଣି ଥରେ ମହଙ୍ଗା ମାଡ଼ର ସମ୍ମୁଖୀନ ହେଉଛନ୍ତି। ଏବେ ଘର କିମ୍ବା କାର୍ ଋଣ କରି ଏହାର କିସ୍ତି ଦେବା ମହଙ୍ଗା ହେବ। ଭାରତୀୟ ରିଜର୍ଭ ବ୍ୟାଙ୍କ ବୁଧବାର ଏକ ବଡ ପଦକ୍ଷେପ ନେଇଛି। ଆରବିଆଇ ରେପୋ ହାର ବୃଦ୍ଧି କରିଛି। ଏହି ବୃଦ୍ଧି ସହିତ ଋଣ ନେବା ଅଧିକ ମହଙ୍ଗା ହୋଇଛି। ଏହାର ଅର୍ଥ ଇଏମଆଇ ଆଗକୁ ବଢ଼ିବ। ଆରବିଆଇ ରେପୋ ହାରକୁ ୦.୨୫ ଆଧାର ପଏଣ୍ଟକୁ ବୃଦ୍ଧି କରିଛି। ବିଶେଷ କଥା ହେଉଛି ଦେଶରେ ଦରଦାମ ବୃଦ୍ଧି ନିୟନ୍ତ୍ରିତ ହେବା ପରେ ମଧ୍ୟ ରେପୋ ହାର ବୃଦ୍ଧି ପାଇଁ ଆରବିଆଇ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି।
ଲଗାତାର ଷଷ୍ଠଥର ପାଇଁ ଆରବିଆଇ ରେପୋ ରେଟ ବଢ଼ାଇଛି। ଏମପିସି ବୈଠକର ନିଷ୍ପତ୍ତି ସମ୍ପର୍କରେ ସୂଚନା ଦେଇ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଏହି ବଡ ନିଷ୍ପତ୍ତି ବିଷୟରେ କହିଛନ୍ତି। ଆରବିଆଇ ଗଭର୍ଣ୍ଣର କହିଛନ୍ତି ଯେ ବ୍ୟାଙ୍କମାନଙ୍କୁ ଦିଆଯାଇଥିବା ଋଣ ହାର ବର୍ତ୍ତମାନ ୦.୨୫ ପ୍ରତିଶତକୁ ବୃଦ୍ଧି କରାଯାଇଛି।
ଫଳରେ ପୂର୍ବରୁ, ରେପୋ ହାର ୬.୨୫ ପ୍ରତିଶତ ଥିବାବେଳେ, ବର୍ତ୍ତମାନ ଏହା ୬.୫୦ ପ୍ରତିଶତକୁ ବୃଦ୍ଧି ପାଇଛି। ଏଭଳି ପରିସ୍ଥିତିରେ ମହଙ୍ଗା ମାଡ଼ର ସିଧାସଳଖ ପ୍ରଭାବ ସାଧାରଣ ଲୋକଙ୍କ ଉପରେ ପଡ଼ିବ ବୋଲି କୁହାଯାଉଛି।
