ଭୁବନେଶ୍ବର : ଆଜି ଭୁବନେଶ୍ୱର ଉତ୍ତର ନିର୍ବାଚନ ମଣ୍ଡଳୀ ଅନ୍ତର୍ଗତ ପାଞ୍ଚ ସଂଚାୟତର ବିଜୁ କୃଷକ ଜନତା ଦଳ ତରଫରୁ ଇଂଜଣା ଗ୍ରାମରେ ପବିତ୍ର ଅକ୍ଷୟ ତୃତୀୟା ପର୍ବ ସହିତ ଅଖମୁଠି ଅନୁକୂଳ ମାନ୍ୟବର ବିଧାୟକ ଶ୍ରୀଯୁକ୍ତ ସୁଶାନ୍ତ ରାଉତଙ୍କ କରକମଳରେ ଅନୁଷ୍ଠିତ ହୋଇଯାଇଛି ।ଇଂଜଣା ଗ୍ରାମ ତରଫରୁ ଆୟୋଜିତ ଏହି ଉତ୍ସବରେ ମାନ୍ୟବର ବିଧାୟକ ଯୋଗ ଦେଇ ରାଜ୍ୟ ସରକାରଙ୍କର କୃଷି ଓ କୃଷକ ମାନଙ୍କ ପାଇଁ ହୋଇଥିବା ବିଭିନ୍ନ ଯୋଜନା ଯଥା – କାଳିଆ ଯୋଜନା, ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ଉପରେ ଚାଷୀ ମାନଙ୍କୁ ଅବଗତ କରାଇବା ସହିତ ଆଗାମୀ ଦିନରେ ଉଚ୍ଚଶିକ୍ଷିତ ଯୁବପିଢ଼ି ଅତ୍ୟାଧୁନିକ ଜ୍ଞାନକୌଶଳର ପ୍ରୟୋଗ ମାଧ୍ୟମରେ କୃଷି କାର୍ଯ୍ୟ କରି ନିଜେ ସ୍ବାବଲମ୍ବୀ ହେବା ସହିତ ଆଉ କିଛି ପରିବାରକୁ ରୋଜଗାର ଯୋଗାଇଦେବା ପାଇଁ ଆହ୍ବାନ ଦେଇଥିଲେ ।ଆଜିର ଏହି ଉତ୍ସବରେ ଦଳର ବରିଷ୍ଠ ନେତା ଶ୍ରୀଯୁକ୍ତ ଅନ୍ତର୍ଯ୍ୟାମୀ କୁଅଁର, ଭଗବାନ ଜେନା, ନୃସିଂହ ଖାଡଙ୍ଗା, ବରିଷ୍ଠ ନେତା ଶ୍ରୀଯୁକ୍ତ ସୁବାସ ଚନ୍ଦ୍ର ପାତ୍ର, ଧନୁଦ୍ଧର ସ୍ୱାଇଁ, ବସନ୍ତ ସ୍ୱାଇଁ, ପବିତ୍ର ସ୍ବାଇଁ, ପ୍ରଦୀପ ମିଶ୍ର, ବ୍ରଜ କିଶୋର ସ୍ୱାଇଁ, ଯୋଗେଶ ତ୍ରିପାଠୀ, ଅନ୍ନପୂର୍ଣ୍ଣା ମିଶ୍ର ଜିଲ୍ଲା ପରିଷଦ ସଭ୍ୟା ଶ୍ରୀମତୀ ବବିତା ରାଉତ, ଯୁବନେତା କୁନାଲ ରାଉତ, ସରପଂଚ ହେମନ୍ତ ପରିଡା, ସମିତି ସଭ୍ୟ ଭୁବନ ମୋହନ ଦାସ, ନିହାରକାନ୍ତ ପଢ଼ିହାରୀ, ମମିତା ଦାସ, ବ୍ରଜବନ୍ଧୁ ଭୋଇ, ସସ୍ମିତା ବରାଳ ଖୋଲଣା ମାଝା, କର୍ପୋରେଟର ପ୍ରୀତିନନ୍ଦା ରାଉତରାୟ, ମିହିର ରାଉତ, ମୋନାଲିଶା ବେହେରାଙ୍କ ସହିତ ବୁଦ୍ଧିଜୀବୀ ପ୍ରଦୀପ ଦାସ, ସନ୍ତୋଷ ନାଥ, ସମରେନ୍ଦ୍ର ସାହୁ, ଅନୁପ ଖୁଣ୍ଟିଆ, ପ୍ରଶନ୍ନ କୁମାର ସାହୁ,ଶ୍ରୀଧର ବେହେରା, ଶରତ ବେହେରା, ଜନକର ମାଝା, ସଞ୍ଜୟ ପତିଙ୍କ ସହିତ ପାଞ୍ଚ ଫଚାୟତର ବହୁ ବୁଦ୍ଧିଜୀବୀ, ଚାଷୀ ଓ ମା ମାନେ ଯୋଗଦେଇ ଏହି କାର୍ଯ୍ୟକ୍ରମଟିକୁ ସଫଳ କରିଥିଲେ ।
