ଭୁବନେଶ୍ୱର,୩ା୪(ବ୍ୟୁରୋ)- ରାଜଧାନୀରେ ଡହଡହ ଖରା ସାଙ୍ଗକୁ ଅସହ୍ୟ ଗୁଳୁଗୁଳି ଲୋକମାନଙ୍କୁ ଅସ୍ତବ୍ୟସ୍ତ କରି ପକାଇଲାଣି । ପାଣି ଟୋପେ ପାଇଁ ପଥଚାରୀମାନେ ଡହଳ ବିକଳ ହେଉଛନ୍ତି । ବିଶେଷକରି ହସ୍ପିଟାଲ ପାଖରେ ଅପେକ୍ଷାରତ ଲୋକମାନଙ୍କ ପାଇଁ ପାଣି ସମସ୍ୟା ଦେଖାଯାଉଛି । ଏହାକୁ ଦୃଷ୍ଟିରେ ରଖି ଉତ୍ତର ବିଧାୟକଙ୍କ ନିର୍ଦ୍ଧେଶ କ୍ରମେ ବାର ନମ୍ବର ଓାର୍ଡର କର୍ପୋରେଟର ଜୟନ୍ତୀ ସାହୁଙ୍କ ସହେଯାଗରେ ଆଚାର୍ଯ୍ୟ ବିହାର,ଆପୋଲ ହସ୍ପିଟାଲ ଓ କଳିଙ୍ଗ ହସ୍ପିଟାଲ ଛକରେ ତିନୋଟି ଜଳଛତ୍ର କେନ୍ଦ୍ର ଖୋଲାଯାଇଛି । ଯାହାକୁ ଆଜି ଉତ୍ତର ବିଧାୟକ ସୁଶାନ୍ତ ରାଉତ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିବା ସହିତ ଦହିପାଣି ବାିଛନ୍ତି । ସେହିପରି ଆଚାର୍ଯ୍ୟ ବିହାର ଛକରେ ଅନ୍ୟଏକ ଜଳଛତ୍ର ବିଧାୟକଙ୍କ ଦ୍ୱାରା ଉଦଘାଟିତ ହୋଇଛି । ଏଥି ସହିତ ପ୍ରେସଛକ ନିକଟସ୍ଥ ମା ଦକ୍ଷିଣ କାଳୀ ମନ୍ଦିର ପରିସରରେ ବିଧାୟକଙ୍କ ପାଣ୍ଠିରେ ଓ ଜନକର ସାହୁଙ୍କ ପ୍ରତ୍ୟେକ୍ଷ ତତ୍ୱାବଧାନରେ ନିର୍ମିତ ହୋଇଥିବା ସିଦ୍ଧେଶ୍ୱର ମନ୍ଦିରର ମୁଖଶାଳାକୁ ବିଧାୟକ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟ ଅତିଥି ମାନଙ୍କ ମଧ୍ୟରେ କର୍ପୋରେଟର ଜୟନ୍ତୀ ସାହୁ,ପୂଜା ମହାରଣା,ଇତିଶ୍ରୀ ଦାସ, ଜିଲ୍ଲା ବିଜେଡି ସମ୍ପାଦକ ପ୍ରଶନ୍ନ କୁମାର ସାହୁ, ଭୋଳାନାଥ ମହାରଣା,ଆଇନଜିବୀ ସମରେନ୍ଦ୍ର ସାହୁ,ବିକାଶ ପରିଡା,ପୂର୍ବତନ କର୍ପୋରେଟର ସୁସ୍ମିତା ଦାସ,ନବୀନ କୁମାର ସାମଲ,ବିଜୟ ପଟ୍ଟନାୟକ,ରାଜା ନାୟକ,ଗଗନ ବିହାରୀ ପଣ୍ଡା,ମନୋରଞ୍ଜନ ଦାସ,ପ୍ରଫୁଲ୍ଲ ଜେନା,ରଞ୍ଜନ ରାଉତରାୟ,ଭଗବାନ ଦାସ,ଖୁଲଣା ସାହୁ,ଲକ୍ଷ୍ମୀପ୍ରିୟା ସାହୁ ପ୍ରମୁଖ ଯୋଗଦାନ କରିଥିଲେ । ସମସ୍ତ କାର୍ଯ୍ୟକ୍ରମକୁ ବାବୁଭାଇ ଟିମର ସଦସ୍ୟମାନେ ପରିଚାଳନା କରିଥିଲେ ।
