ଭୁବନେଶ୍ୱର ; ଉତ୍ତର ନିର୍ବାଚନ ମଣ୍ଡଳୀ ଅର୍ନ୍ତଗତ ବିଏମସି ୧୨ ନମ୍ବର ଓାର୍ଡର କାଳି ମନ୍ଦିର ଠାରେ ନିଆରା ଢଙ୍ଗରେ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଶ୍ରାଦ୍ଧ ଦିବସ ପାଳିତ ହୋଇଯାଇଛି ।
ଭୁବନେଶ୍ୱର ଜିଲ୍ଲା ସମ୍ପାଦକ ପ୍ରଶନ୍ନ କୁମାର ସାହୁଙ୍କ ଦ୍ବାରା ଆୟୋଜିତ ଏବଂ ନବ ନିର୍ବାଚିତ କର୍ପୋରେଟର ଜୟନ୍ତୀ ସାହୁଙ୍କ ଦ୍ୱାରା ଅନୁଷ୍ଠିତ ଏହି କାର୍ଯ୍ୟକ୍ରମରେ ବାର ନମ୍ବର ଓାର୍ଡର ବରିଷ୍ଠ ନାଗରିକ.ମହିଳା,ଯୁବକ ଓ ଛାତ୍ରମାନେ ବହୁ ସ”ଖ୍ୟାରେ ଯୋଗଦାନ କରିଥିଲେ । କାଳି ପଡିଆ ସମ୍ପୁର୍ଣ୍ଣ ଲୋକାରଣ୍ୟ ହୋଇ ଯାଇଥିଲା।
ନିର୍ବାଚନରେ ବାର ନମ୍ବର ଓ୍ବାର୍ଡର ଜନସାଧାରଣ ଜୟନ୍ତୀ ସାହୁଙ୍କୁ ବହୁ ଭୋଟଦେଇ ଆଶୀର୍ବାଦ କରିଥିଲେ। ଯଥା ସମ୍ମାନ ସ୍ବରୂପ କର୍ପୋରେଟର ସମସ୍ତଙ୍କୁ ଉତ୍ତରୀୟ ଓ ଗୋଲାପ ଫୁଲ ଦେଇ ସମ୍ବର୍ଦ୍ଧିତ କରିବା ସହିତ ମଥାନତ ପ୍ରଣାମ ଜଣାଇ ଥିଲେ । ପରେ ସମୁହ ଦୀପଦାନ ସହ ଶପଥ ପାଠ କରାଯାଇଥିଲା ।
ଏହି କାର୍ଯ୍ୟକ୍ରମରେ ଅନ୍ୟ ଅତିଥି ମାନଙ୍କ ମଧ୍ୟରେ ବରିଷ୍ଠ ମୁରବୀ ଜନକର ସାହୁ, ଆଇନଜୀବୀ ସମରେନ୍ଦ୍ର ସାହୁ, ପ୍ରଫୁଲ ଜେନା,ରଞ୍ଜନ ରାଉତରାୟ,ବିଜେଡି ନେତା ଗଗନ ବିହାରୀ ପଣ୍ଡା ଓ ଭଗବାନ ଦାସ ପ୍ରମୁଖ ଯୋଗଦେଇଥିଲେ। କାର୍ଯ୍ୟକ୍ରମକୁ ବାବୁ ଭାଇ ଟିମର ସଦସ୍ୟ ମାନେ ପରିଚାଳନା କରିଥିଲେ । ସମସ୍ତଙ୍କୁ ମିଷ୍ଠାନ୍ନ ବଣ୍ଟନ କରାଯାଇଥିଲା ।
