ଭୁବନେଶ୍ୱର,୪/୪(ଓଡ଼ିଆ ନ୍ୟୁଜ): ପଟିଆ ଇନ୍ଫୋସିଟି ଛକରେ ମିଡ୍ଟାଉନ୍ ବର୍ଣ୍ଣ ଟ୍ରେନିଂ ସେଣ୍ଟର ଉଦ୍ଘାଟିତ ହୋଇଯାଇଛି। ଉଦ୍ଘାଟନ ଉତ୍ସବରେ ପୂର୍ବତନ ଆୟକର କମିଶନର ଶରତ କୁମାର ଦାସ, ଲାୟନ୍ସ କ୍ଲବ ପୂର୍ବତନ ଗଭର୍ଣ୍ଣର ପ୍ରକାଶ ଜେନା, ବଲିଉଡ଼୍ ଓ ଓଲିଉଡ଼୍ ଶିଶୁ କଳାକାର ଲୋହିତାକ୍ଷ ପଟ୍ଟନାୟକ, ଓଏସ୍ଏଲ୍ ପ୍ରବନ୍ଧକ ପ୍ରଦୀପ କୁମାର ସାହୁ, କଳିଙ୍ଗ ବଚପନ ପରିଚାଳନା ନିର୍ଦେଶକ ଆଚମନ ନନ୍ଦ ପ୍ରମୁଖ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ସୁଜାତା ସାହୁ, ସୁଚିସ୍ମିତା ପୃଷ୍ଟି ଓ ଅନ୍ୟ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।
ଯୁବ ଉଦ୍ୟୋଗୀ ଗୌତମ ଚୌଧୁରୀ ଓ ରଞ୍ଜନ କୁମାର ସାହୁଙ୍କ ଉଦ୍ୟମରେ ମିଡ୍ଟାଉନ୍ ବର୍ଣ୍ଣ ଜିମ୍ ଟ୍ରେନିଂ ସେଣ୍ଟର ଖୋଲାଯାଇଛି। ଏହି ଅବସରରେ ଟ୍ରେନିଂ ସେଣ୍ଟରର ସିଇଓ ଗୌତମ ଚୌଧୁରୀ କହିଛନ୍ତି ଯେ ୟୁରୋପୀୟ ଦେଶ ଶୈଳୀରେ ଏହି ଟ୍ରେନିଂ ସେଣ୍ଟର ନିର୍ମାଣ କରାଯଇଛି। ୫ ହଜାର ବର୍ଗଫୁଟର ଏହି ସେଣ୍ଟରରେ ଅତ୍ୟାଧୁନିକ ଜିମ୍ ଉପକରଣ ଉପଲବ୍ଧ ରହିଛିି। ଏଠାରେ ଏକାସଙ୍ଗେ ୩୦ଜଣ ଟ୍ରେନିଂ ନେବାର ବ୍ୟବସ୍ଥା ରହିଛି। ସମ୍ପୂର୍ଣ୍ଣ ଶାନ୍ତ ପରିବେଶ ଓ ବିନା କୌଣସି ଅସୁବିଧାରେ ବାଗାଟି ସିରିଜ୍ ଏବଂ ଷ୍ଟିଲଫ୍ଲେକ୍ସ ସିରିଜ୍ ଜିମ ଉପକରଣରେ ଏଠାରେ ଟ୍ରେନିଂ ଦିଆଯିବ। ୩ଜଣ ଦକ୍ଷ ପ୍ରଶିକ୍ଷକଙ୍କ ଉପସ୍ଥିତିରେ ସକାଳ ୬ ଘଟିକାରୁ ରାତି ୧୦ଟା ପର୍ଯ୍ୟନ୍ତ ଏଠାରେ ଟ୍ରେନିଂ ଦିଆଯିବା ପାଇଁ ବ୍ୟବସ୍ଥା କରାଯାଇଛି। ରାଜଧାନୀରେ ଖୋଲିଥିବା ନୂତନ ଭାବେ ଏହି ଜିମ୍ ସେଣ୍ଟର ସଦସ୍ୟତା ଗ୍ରହଣ କରିବା ପରେ ଜଣେ ଏଠାରେ ପ୍ରଶିକ୍ଷଣ ନେଇପାରିବେ ବୋଲି ବୋଲି ଶ୍ରୀ ଚୌଧୁରୀ ସୂଚନା ଦେଇଛନ୍ତି। ରାଜୀବ ନୟନ କାର୍ଯ୍ୟକ୍ରମ ସଂଯୋଜନା କରିଥିଲେ।
