banner
Breaking

ଆଇନଜୀବୀଙ୍କ ଭତ୍ତା ବଢିଲା।

0

ଭୁବନେଶ୍ୱର, ୪ା୪ (ବ୍ୟୁରୋ): ଭୁବନେଶ୍ୱର, ୩।୪(ବ୍ୟୁରୋ)- ଆଇନ୍‌ଜୀବୀଙ୍କ କଲ୍ୟାଣ ପାଇଁ ରାଜ୍ୟ ସରକାର ଅଧିବକ୍ତା କଲ୍ୟାଣ ପାଣ୍ଠି ୧୯୮୭ର ସଂଶୋଧନ କରିଛନ୍ତି। ଆଇନମନ୍ତ୍ରୀ ପ୍ରତାପ ଜେନାଙ୍କ ଦ୍ୱାରା ଆଗତ ଓଡ଼ିଶା ଅଧିବକ୍ତା କଲ୍ୟାଣ ପାଣ୍ଠି (ସଂଶୋଧନ) ବିଲ୍‌-୨୦୨୧ ଶନିବାର ବିଧାନସଭାରେ ଗୃହୀତ ହୋଇଛି। ଏଣିକି ଅତିକମ୍‌ରେ ୫ବର୍ଷ ଓକିଲାତି କରିଥିବା ଆଇନ୍‌ଜୀବୀଙ୍କୁ ସର୍ବନିମ୍ନ ୭୫ ହଜାର ଟଙ୍କା ଏବଂ ୩୦ ବର୍ଷ ଓକିଲାତି କରିଥିବା ଆଇନଜୀବୀଙ୍କୁ ସର୍ବାଧିକ ୪ଲକ୍ଷ ୫୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯିବ। ପ୍ରଚଳିତ ହାରଠାରୁ ୧.୬୭ ହାରରେ ଏହି ଆର୍ଥିକ ସହାୟତା ରାଶି ବୃଦ୍ଧି କରାଯାଇଛି।

ରାଜ୍ୟରେ ଆଇନର ଶାସନକୁ ସୁନିଶ୍ଚିତ କରିବା ଦିଗରେ ସେମାନେ ସର୍ବଦା କାର୍ଯ୍ୟରତ ଥାଆନ୍ତି। ଓକିଲାତିକୁ ପେସା ଭାବେ ଗ୍ରହଣ କରିଥିବାରୁ ସେମାନଙ୍କ ମହକିଲଙ୍କଠାରୁ ଯେଉଁ ଫିସ୍‌ ପାଇଥାଆନ୍ତି। ସେଥିରେ ନିଜର ପରିବାର ପ୍ରତିପୋଷଣ କରିଥାଆନ୍ତି। ଚାକିରି କରିଥିବା ବ୍ୟକ୍ତି ଯେମିତି ନିର୍ଦ୍ଦିଷ୍ଟ ଦରମା ପାଇଥାଆନ୍ତି ସେମାନଙ୍କ କୌଣସି ନିର୍ଦ୍ଦିଷ୍ଟ ଆୟ ଓ ପେନ୍‌ସନ ନ ଥାଏ। ଏହାକୁ ଦୃଷ୍ଟିରେ ରଖି ଆଇନ୍‌ଜୀବୀଙ୍କ କଲ୍ୟାଣ ନିମନ୍ତେ ଅଧିବକ୍ତା କଲ୍ୟାଣ ପାଣ୍ଠି ଅଧିନିୟମ ୧୯୮୭ ପ୍ରଣୟନ କରାଯାଇଥିଲା। ୨୦୧୩ରେ ଏହି ଅଧିନିୟମରେ ସଂଶୋଧନ କରାଯାଇ ମୃତ୍ୟୁକାଳୀନ ଓ ଅବସରକାଳୀନ ସୁବିଧା ବାବଦକୁ ପ୍ରଦାନ କରାଯାଇଥିବା ଅର୍ଥ ପରିମାଣକୁ ବୃଦ୍ଧି କରାଯାଇଥିଲା। ଏଥିରେ ସର୍ବନିମ୍ନ ୫ ବର୍ଷ ଓକିଲାତି କରିଥିବା ଆଇନ୍‌ଜୀବୀଙ୍କୁ ୪୫ ହଜାର ଟଙ୍କାରୁ ୩୦ ବର୍ଷ ଓକିଲାତି ପାଇଁ ସର୍ବାଧିକ ୨ ଲକ୍ଷ ୭୦ ହଜାର ଟଙ୍କା ସହାୟତା ପ୍ରଦାନ କରାଯିବାକୁ ସ୍ଥିର ହୋଇଥିଲା। ବର୍ତ୍ତମାନର ସ୍ଥିତିକୁ ଦେଖି ଏବେ ଏହାକୁ ଆଉ ଥରେ ସଂଶୋଧନ କରାଯାଇଛି।

Khansweb Solution Bhubaneswar

Leave A Reply

Your email address will not be published.