ଭୁବନେଶ୍ୱର ,୦୯/୧୦(ଓଡ଼ିଆ ନ୍ୟୁଜ) ବିଜେଡିର ସଭ୍ୟ ସଂଗ୍ରହ ଅଭିଯାନକୁ ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପନାୟକ ସେପ୍ଟେମ୍ବର ୨ରୁ ନିଜେ ପ୍ରାଥମିକ ସଦସ୍ୟତା ଗ୍ରହଣ କରି ଆରମ୍ଭ କରିଥିଲେ । ରାଜ୍ୟର ପ୍ରତ୍ୟେକ ନିର୍ବାଚନ ମଳୀରେ ଏହାକୁ ତ୍ୱରାନ୍ୱିତ କରିବା ପାଇଁ ଛାମୁଆ ନେତା ଓ ବିଧାୟକ ମାନଙ୍କୁ ଦାୟିତ୍ୱ ଦିଆଯାଇଥିଲା । ବିଧାୟକ ମଧ୍ୟ ଦଳୀୟ କର୍ମୀ ଓ କର୍ପୋରେଟର ମାନଙ୍କୁ ଦାୟୀତ୍ୱ ହସ୍ତାନ୍ତର କରି ତଦାରଖ କରୁଥିଲେ । ଏହି ସବୁ ପର୍ଯ୍ୟାୟରେ ଉତ୍ତର ଭୁବନେଶ୍ୱର ନିର୍ବାଚନ ମଳୀର ୧୨ନଂ ୱାଡ ସବୁଠାରୁ ଆଗରେ ରହିଛି । ପୂର୍ବତନ କର୍ପୋରେଟର ସଞ୍ଜୟ ସେଠୀ ନିଜ କର୍ମୀଙ୍କ ସହାୟତାରେ ୫୦ଟି ବହିରେ ସଭ୍ୟ ସଂଗ୍ରହ ଶେଷ କରି ୭ ତାରିଖ ଦିନ ସମସ୍ତଙ୍କ ଉପସ୍ଥିତିରେ ଉତ୍ତର ବିଧାୟକ ସୁଶାନ୍ତ ରାଉତଙ୍କୁ ହସ୍ତାନ୍ତର କରିଥିଲେ । ଏହି କାର୍ଯ୍ୟକ୍ରମରେ ବିଜେଡି କାର୍ଯ୍ୟକାରୀ ସଭାପତି ସୁବାଷ ପାତ୍ର ମଧ୍ୟ ଉପସ୍ଥିତ ଥିଲେ । ବିଧାୟକ ଶ୍ରୀଯୁକ୍ତ ରାଉତ ସମସ୍ତଙ୍କୁ ଧନ୍ୟବାଦ ଜଣାଇ ଥିଲେ ।
