ଭୁବନେଶ୍ୱର (ବ୍ୟୁରୋ): ଆଜି ବିଶ୍ବ ଜନଜାତି ଦିବସ ଅବସରରେ ସାମାଜିକ ଅନୁଷ୍ଠାନ ‘କଳିଙ୍ଗ ସିନେ ଆର୍ଟସ୍’ ପକ୍ଷରୁ ଚନ୍ଦକା ଭୋଳା ନିକଟ ଆଦିବାସି ବସ୍ତିରେ ‘ଆର୍ଟ ଅଫ୍ ଗିଭିଂ’ ଅନୁଷ୍ଠିତ ହୋଇଯାଇଛି। ଏହି ଅବସରରେ ଆଦିବାସୀ ବସ୍ତିର ପିଲାମାନଙ୍କୁ ପୋଷାକ, ପାଠ୍ୟ ଉପକରଣ ଓ ଖାଦ୍ୟ ପୁଡ଼ିଆ ବଣ୍ଟାଯିବା ସହ ମହିଳା ମାନଙ୍କୁ ସାଢ଼ି ପ୍ରଦାନ କରାଯାଇଥିଲା। ଅନୁଷ୍ଠାନର ମହିଳା ସେବୀକା ମଧୁସ୍ମିତା, ସାଗରିକା ଓ ମମତାରାଣୀ ଦେବୀ ବସ୍ତିର ମହିଳାଙ୍କୁ ପରିବାର ନିୟନ୍ତ୍ରଣ, ନାରୀ ଶିକ୍ଷା ଓ ସଶକ୍ତିକରଣ ହେବାନେଇ ସଚେତନ କରିଥିଲେ। ସେହିଭଳି ଅନୁଷ୍ଠାନର ସଭାପତି ସୁଶାନ୍ତ ଦାସ, ସଂପାଦକ ବିଦ୍ୟାଧର ବାରିକ, ଉପଦେଷ୍ଟା ଫକିରମୋହନ ଧଳ ଓ କାଳିଚରଣ ସିଂ ପୁରୁଷମାନଙ୍କୁ ଏକଝୁଟକରି ନିଶା ନିବାରଣ ବିଷୟରେ ସଚେତନକରିବା ସହ ଏକ ତଥ୍ୟ ଭିତିକ ଚଳଚ୍ଚିତ୍ର ପର୍ଦଶନକରି ନିଶା ନଖାଇବା ପାଇଁ ପ୍ରୋତ୍ସାହନ ଦେଇଥିଲେ। ଏହି ଅବସରରେ ଅନୁଷ୍ଠାନର ସଭ୍ୟମାନେ ଆର୍ଟ ଅଫ୍ ଗିଭିଂ କଣ’ ଓ ଏହାର ପ୍ରତିଷ୍ଠାତା ଅଚ୍ୟୁତ ସାମନ୍ତ କେଉଁ ଉଦ୍ୟେଶରେ ଏହାକୁ ବିଶ୍ବ ବ୍ୟାପକ କରାଇଛନ୍ତି ତାହାନେଇ ଆଦିବାସୀ ବସ୍ତି ବାସିନ୍ଦାକୁ ସୂଚତାଦେଇଥିଲେ। ଆଜି ବିଶ୍ବ ଜନଜାତି ଦିବସ ଅବସରରେ ଅନୁଷ୍ଠାନର ସଭ୍ୟମାନେ ବସ୍ତିରେ ଆଦିବାସୀମାନଙ୍କ ସହ ପାରମ୍ପରିକ ଶାନ୍ତାଳ ନୃତ୍ୟକରି ଝୁମିଥିଲେ।
