ରେଭେନ୍ସାରେ ରୁଦ୍ର-୯୧ର ଦ୍ୱିତୀୟ ବନ୍ଧୁମିଳନ ଉତ୍ସବ

କଟକ : ରେଭେନ୍ସା ବିଶ୍ୱବିଦ୍ୟାଳୟ ୧୯୯୧ ବ୍ୟାଚ୍ ଛାତ୍ରଛାତ୍ରୀ ସଂଘ ରୁଦ୍ର-୯୧ ଆନୁକୂଲ୍ୟରେ ଦ୍ୱିତୀୟ ବନ୍ଧୁମିଳନ ଉତ୍ସବ ବିଶ୍ୱବିଦ୍ୟାଳୟର ଅର୍ଥନୀତି ବିଭାଗ କକ୍ଷରେ ଅନୁଷ୍ଠିତ ହୋଇଯାଇଛି । ଏଥିରେ ୧୯୯୧ ବ୍ୟାଚ୍ ସ୍ନାତକୋତ୍ତର ସମସ୍ତ ବିଭାଗର ଛାତ୍ରଛାତ୍ରୀମାନେ ଏକତ୍ରୀତ ହୋଇ ଅତ୍ୟନ୍ତ ଆନନ୍ଦ ଉଲ୍ଲାସର ସହିତ ଦିବସଟିକୁ ପାଳନ କରିଥିଲେ । ପ୍ରତ୍ୟେକ ଛାତ୍ରଛାତ୍ରୀ ପୁରଣା ଦିନର ସ୍ମୃତିକୁ ସ୍ମରଣ କରି ବଖାଣି ଥିଲେ । ଯାହା ସମସ୍ତଙ୍କ ମନରେ ହାସ୍ୟରୋଳ ସୃଷ୍ଟି କରିଥିଲା । ଆଗାମୀ ଦିନରେ ରୁଦ୍ର-୯୧ର ସଦସ୍ୟମାନେ ରେଭେନ୍ସା ବିଶ୍ୱବିଦ୍ୟାଳୟରେ ଉନ୍ନତି ମୂଳକ କାର୍ଯ୍ୟ କରିବା ସହ ମେଧାବୀ ଛାତ୍ରଛାତ୍ରୀଙ୍କୁ ସହାୟତା କରିବାକୁ ସଂକଳ୍ପ ନେଇଥିଲେ । ଏହି ଅବସରରେ ବିଶ୍ୱବିଦ୍ୟାଳୟ ପରିସରରେ ବୃକ୍ଷ ରୋପଣ କରିବା ସହିତ ପ୍ରଧ୍ୟାପକ ଧର୍ମପଦ ମହାପାତ୍ରଙ୍କୁ ସମ୍ମାନିତ କରିଥିଲେ । ରୁଦ୍ର-୯୧ ପକ୍ଷରୁ ଉଠା ଫଳ ଓ ରାଗଚଣା ଦୋକାନୀ ମାନଙ୍କୁ ଛତା ବଣ୍ଟନ କରାଯାଇଥିଲା । ଡ. ଦୁଖିଶ୍ୟାମ ମିଶ୍ର, ଅମୀୟବାଳା ପରିଡା, ଜ୍ୟୋତିରଞ୍ଜନ ରାୟ, ସୁଦୀପ ରାଉତ, ମନୋରଞ୍ଜନ ମହାନ୍ତି, ବିନୋଦିନୀ ଓ ଚକ୍ରଧର ରାଜଙ୍କ ନେତୃତ୍ୱରେ ସମସ୍ତ ସଦସ୍ୟଙ୍କ ସହଯୋଗରେ କାର୍ଯ୍ୟକ୍ରମଟି ହୋଇଥିଲା ।