୮ ରୁ ସର୍ବଭାରତୀୟ ଗଣ୍ଡରପୁର କପ୍ ଫୁଟବଲ ଟୁର୍ଣ୍ଣାମେଣ୍ଟ

ଭୁବନେଶ୍ୱର,: ଭୁବନେଶ୍ୱର ଉପକଣ୍ଠ ଗଣ୍ଡରପୁର ସ୍ଥିତ ବିଜୁ ପଟ୍ଟନାୟକ ମିନି ଷ୍ଟାଡିୟମ ଠାରେ ଆସନ୍ତା ୮ ତାରିଖ ରବିବାର ଠାରୁ ସର୍ବଭାରତୀୟ ଗଣ୍ଡରପୁର କପ୍ ଫୁଟୁବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହେବ । ଗଣ୍ଡରପୁର ୟୁନାଇଟେଡ୍ ୟୁଥ ସ୍ପୋର୍ଟସ କ୍ଲବ ଦ୍ୱାରା ଆୟୋଜିତ ୨୧ ତମ ଟୁର୍ଣ୍ଣାମେଣ୍ଟରେ ମୋଟ ୩୨ ଟି ଦଳ ଅଂଶଗ୍ରହଣ କରିବେ । ଏ- ବିଭାଗରେ ଗ୍ରାମାଞ୍ଚଳର ୧୬ ଟି ଦଳ ଯଥା ଦେଉଳି ୪୨ ମୌଜା, ୟୁଜିସି ୟିନିଭରସିଟି, ମୁଣ୍ଡୁମାଣ, ଉଷୁମା, ବଉଳକୁଦ୍‌, ମଧୁବନ, ଜୟପୁର, ସାଇଁଶୋ, ବରହୀପୁର, ଟାଙ୍ଗିବନ୍ତ, ଘାଟିକିଆ, ବେଲଗଛିଆ, ଗୋଠପୁର, ମଇନ୍ଦପୁର, ଶରଧାପୁର, ନରଣପୁର ଦଳ ରହିଥିଲା ବେଳେ ବି-ବିଭାଗରେ ୮ ଟି ଦଳ ଗବବସ୍ତ, ଅଡଶପୁର, ନରିଶୋ, କଣ୍ଟାପଡା, ତଣ୍ଡିକଣା, ଉରାଳୀ, ପଦ୍ମକେଶରପୁର, କୁରାଙ୍ଗ ରହିଥିଲା ବେଳେ ସହରାଞ୍ଚଳ ବିଭାଗରେ ଓଡିଶାର ପାଞ୍ଚଟି ଦଳ ସ୍ପୋଟ୍ସ ହଷ୍ଟେଲ, ଜଗା ୟୁନାଇଟେଡ-ଭୁବନେଶ୍ୱର, ସନରାଇଜ କ୍ଲବ-କଟକ, ରାଉରକେଲା-ରେଡ୍‌, ସମଲେଶ୍ୱରୀ ସ୍ପୋଟିଂ-ସମ୍ବଲପୁର ଦଳ ଓ ରାଜ୍ୟ ବାହାରୁ ୩ ଟି ଦଳ ୱାଡିସି-ମଣିପୁର, ତାମିଲନାଡୁ ପୋଲିସ ଓ କାମେରୁନ-୧୧ ଭାଗ ନେବେ । ୮ ଦିନ ବ୍ୟାପୀ ଖେଳ ଚାଲୁ ରହିବ । ତିନୋଟି ବିଭାଗର ବିଜେତା ଓ ରନର୍ସ ଅଫ୍ ଦଳକୁ ଆକର୍ଷଣୀୟ ଟ୍ରଫି ସହିତ ପ୍ରାୟ ୩ ଲକ୍ଷ ୪୦ ହଜାର ଅର୍ଥ ରାଶି ଏବଂ ଗ୍ରାମାଞ୍ଚଳର ଶ୍ରେଷ୍ଟ ଖେଳାଲୀଙ୍କୁ ବୁଲେଟ ମଟରସାଇକେଲ ପ୍ରଦାନ କରାଯିବ । ବିଶେଷ ଆକର୍ଷଣ ସାଜିବେ କାମେରୁନର ୧୧ ଜଣ ନାଇଜେରିଆନ ଖେଳାଳୀ । ଏହି ଟୁର୍ଣ୍ଣାମେରେ ହଜାର ହଜାର ସଂଖ୍ୟାରେ ଦର୍ଶକ ସାମିଲ ହେଉଥିବାରୁ ପ୍ରତ୍ୟେକ ବର୍ଷ ପରି ଚଳିତବର୍ଷ ମଧ୍ୟ ଦର୍ଶକ ଦରବାର କାର୍ଯ୍ୟକ୍ରମ ରହିଛି । ଏଥିରେ ଦର୍ଶକମାନେ ବିନା ମୂଲ୍ୟରେ ଟିକେଟ କରି ଳଟେରୀ ମାଧ୍ୟମରେ ଟିଭି, ଫ୍ରିଜ, ୱାସିଙ୍ଗ ମେସିନ୍ ଭଳି ଅନେକ ଉପହାର ପାଇ ପାରିବେ । ୧୫ ତାରିଖ ଦିନ ଉଦଯାପନ ଉତ୍ସବ ଅନୁଷ୍ଠିତ ହେବ ବିଭିନ୍ନ କ୍ଷେତ୍ରରେ ପ୍ରତିଷ୍ଠିତ ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯିବ ବୋଲି କ୍ଲବର ଉପଦେଷ୍ଟା ଜ୍ଞାନରଞ୍ଜନ ରାଉତ ଓ ସମ୍ପାଦକ ମାନସ ରଂଜନ ପଡିହାରୀ ସୂଚନା ପ୍ରଦାନ କରିଛନ୍ତି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଗଣ୍ଡରପୁର ଗ୍ରାମ କମିଟିର ସଭାପତି ଭାସ୍କର ଚନ୍ଦ୍ର ପଡିହାରୀ, କୈଳାସ ଚନ୍ଦ୍ର ରାଉତ, ନକୂଳ ବେହେରା, ଶିକ୍ଷାବିତ୍ ବସନ୍ତ ରଥ, ସମ୍ପାଦକ ଜିତେନ୍ଦ୍ର ସାସମଲ ଏବଂ କ୍ଲବର ସଭାପତି ଲକ୍ଷ୍ମଣ ରାଉତ ପ୍ରମୁଖ ଉପସ୍ଥିତ ଥିଲେ ।