ଭୁବନେଶ୍ୱର,- ଭୁବନେଶ୍ୱର ମହାନଗର ନିଗମର ୧୨ ନମ୍ବର ଓାର୍ଡରେ ୭୫ ତମ ରାଜଧାନୀ ପ୍ରତିଷ୍ଠା ଦିବସ ନିୟୁ ଗଭର୍ଣ୍ଣମେଣ୍ଟ କଲୋନୀ ସ୍ଥିତ ଓାର୍ଡ କାର୍ଯ୍ୟାଳୟ ସମ୍ମୁଖରେ ବର୍ଣ୍ଣାଢ୍ୟ ଆଲୋକମାଳା ଭିତରେ ଧୁମଧାମରେ ପାଳିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ୧୨ ନମ୍ବର ଓାର୍ଡର କର୍ପୋରେଟର ଜୟନ୍ତୀ ସାହୁ ଯୋଗଦେଇ କହିଥିଲେ ରାଜଧାନୀ ପ୍ରତିଷ୍ଠା ହେବାର ୭୫ ବର୍ଷ ହୋଇଛି । ଏହାରି ଭିତରେ ଆମ ରାଜଧାନୀରେ ଅନେକ ପରିର୍ବନ ଘଟିଛି । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ହକି ବିଶ୍ୱକପ୍ ଆୟୋଜିତ ହୋଇ ସାରା ବିଶ୍ୱରେ ଆମେ ପରିଚିତ ହୋଇ ପାରିଛେ । ରାସ୍ତାଘାଟ ଠାରୁ ଆରମ୍ଭ କରି ଗମନାଗମନ, ପରିମଳ, ଶିକ୍ଷା ଓ ସ୍ୱାସ୍ଥ୍ୟସେବା କ୍ଷେତ୍ରରେ ଆମର ଅନେକ ଉନ୍ନତି ଘଟିଛି । ଯାହା କେବଳ ଆମ ପ୍ରିୟ ମୁଖ୍ୟମନ୍ତ୍ରୀଙ୍କ ପାଇଁ ସମ୍ଭବ ହୋଇପାରିଛି ।
ସମ୍ମାନୀତ ଅତିଥି ଭାବେ ଓାର୍ଡ ଅଧିକାରୀ ରବିନାରାୟଣ ମିଶ୍ର, ସାନିଟାରୀ ଇନ୍ସପେକ୍ଟର ମନୋରଞ୍ଜନ ମହାପାତ୍ର, ଯୁବନେତା ଚଗଲା ଜେନା, ମିଟୁ ପରିଡା, କାଳିଚରଣ ସିଂ, ବସନ୍ତ ତ୍ରିପାଠୀ ଯୋଗ ଦେଇଥିଲେ । ବରିଷ୍ଠ ନାଗରିକମାନେ ଯୋଗଦାନ କରି ସେମାନଙ୍କର ଅନୁଭୂତି ପ୍ରକାଶ କରିଥିଲେ । ସମସ୍ତ ବରିଷ୍ଠ ନାଗରିକ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ ମହିଳା ମାନଙ୍କ ଦ୍ୱାରା ଝୋଟି ପ୍ରତିଯୋଗିତା, ପିଲା ମାନଙ୍କ ଦ୍ୱାରା ଚିତ୍ରାଙ୍କନ ପ୍ରତିଯୋଗିତା ଓ ନାଚ, ଗୀତ ଅନୁଷ୍ଠିତ ହୋଇଥିଲା । ସି ବାର ପକ୍ଷରୁ ଦିବ୍ୟାଙ୍ଗ ମାନଙ୍କୁ ହୁଇଲ ଚେୟାର ବଣ୍ଟନ ସହିତ ସମସ୍ତ ପ୍ରତିଯୋଗୀ ମାନଙ୍କୁ କର୍ପୋରେଟର ପୁରସ୍କୃତ କରିଥିଲେ । ସମାଜସେବୀ ପ୍ରସନ୍ନ କୁମାର ସାହୁ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ଭଗବାନ ଦାଶ ସଂଯୋଜନା କରିଥିଲେ । ବାବୁଭାଇ ଟିମର ସମସ୍ତ ସଦସ୍ୟ ମାନେ ସହଯୋଗ କରିଥିଲେ ।
