ଭୁବନେଶ୍ୱର : ଓଡିଶା ସେବକ ସଂଘ ପକ୍ଷରୁ ଉତ୍କଳ ଦିବସ ପାଳନ ଓ ସଂଘର ୧୧ତମ ପ୍ରତିଷ୍ଠା ଦିବସ ସମାରୋହ ଉତ୍ସବ ପ୍ରେସ୍ଛକ ସ୍ଥିତ କାଳୀମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି । ସଂଘର ସଭାପତି ଅଶୋକ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ୧୨ ନମ୍ବର ୱାର୍ଡର କର୍ପୋରେଟର ଜୟନ୍ତୀ ସାହୁ, ସମ୍ମାନୀତ ଅତିଥି ଭାବେ ଏସିପି ଲଳିତେନ୍ଦୁ ମହାନ୍ତି, ବରିଷ୍ଠ ଆଇନଜୀବି ସମରେନ୍ଦ୍ର ସାହୁ, ଯୁବନେତା ପ୍ରସନ୍ନ କୁମାର ସାହୁ, କୃଷି ଅଧିକାରୀ ନରେନ୍ଦ୍ର ପଣ୍ଡା, ସମଲେଶ୍ୱରୀ ପ୍ରସାଦ ନାୟକ, ଶିଶିର ପନାୟକ, ନିରଞ୍ଜନ ସ୍ୱାଇଁ ପ୍ରମୁଖ ଯୋଗ ଦେଇ ସଂଘର ସମାଜସେବା କାର୍ଯ୍ୟକୁ ପ୍ରଶଂସା କରିଥିଲେ । ସଂଘ ପକ୍ଷରୁ ପୁର୍ବରୁ ବିଭିନ୍ନ ସ୍କୁଲ ମାନଙ୍କରେ ଅନୁଷ୍ଠିତ ହୋଇଥିବା ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା ଛାତ୍ର ଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା । ଏହି ଅବସରରେ ସମାଜସେବା କ୍ଷେତ୍ରରେ ବିଶେଷ ଅବଦାନ ପାଇଁ ଭଗବାନ ଦାସ, ସାମ୍ବାଦିକତା କ୍ଷେତ୍ରରେ ସୁକାନ୍ତ ରାଉତଙ୍କୁ ଓ ୧୦ ଜଣ ନିୟମିତ ରକ୍ତଦାତା, ୧୦ ଜଣ ସ୍ୱୟଂସେବକ ସଂଘର କର୍ମକର୍ତାଙ୍କୁ ସମ୍ବର୍ଦ୍ଧିତ କରାଯାଇଥିଲା । ସେବକ ସଂଘ ପକ୍ଷରୁ ବରିଷ୍ଠ ନାଗରିକ ମାନଙ୍କୁ ବସ୍ତ୍ର ଓ ଅତ୍ୟାବଶ୍ୟକୀୟ ଜିନିଷ ପ୍ରଦାନ କରାଯାଇଥିଲା ଏବଂ ଏସ୍ଏଚ୍ଜି ମହିଳା ମାନଙ୍କୁ ବିଭିନ୍ନ ପ୍ରକାର ସାମଗ୍ରୀ ବଂଟନ କରାଯାଇଥିଲା । ସଂଘର ସଂପାଦକ ବସନ୍ତ ତ୍ରିପାଠୀ ବାର୍ଷିକ ବିବରଣୀ ପାଠ କରିଥିଲେ । ଉପସଭାପତି ମୀନାକ୍ଷୀ ନାୟକ, ବରିଷ୍ଠ ସଦସ୍ୟ ଜିତେନ୍ଦ୍ର ନନ୍ଦ, ହରପ୍ରସାଦ ଶତପଥୀ, ଜଗବନ୍ଧୁ ବେହେରା, ବସନ୍ତ ପାଢ଼ୀ, ନୀହାରିକା ମହାପାତ୍ର, ଦ୍ରୈାପଦୀ ମିଶ୍ର ପ୍ରମୁଖ ପରିଚାଳନା କରିଥିଲେ । ହରେକୃଷ୍ଣ ପନାୟକ ସମସ୍ତଙ୍କୁ ଧନ୍ୟବାଦ ପ୍ରଦାନ କରିିଥିଲେ । ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
