ଭୁବନେଶ୍ୱର,– ଶିରିଡି ସାଇ ସନ୍ଥ ଜରାଶ୍ରମ ପକ୍ଷରୁ ରଘୁନାଥପୁର ସ୍ଥିତ ଜରାଶ୍ରମ ପରିସରରେ ପିତୃ ଦିବସ ପାଳିତ ହୋଇଯାଇଛି । ଜରାଶ୍ରମରେ ରହୁଥିବା ବୃଦ୍ଧ ମାନଙ୍କୁ ସକାଳୁ ପୂଜାର୍ଚନା କରାଯାଇ ସୁସ୍ୱାଦୁ ଖାଦ୍ୟ ପରିବେଶଣ କରାଯାଇଥିଲା । ଆଶ୍ରମର ଟ୍ରଷ୍ଟି ବିଜୟ କୁମାର ପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବେ ଉତ୍ତର ବିଧାୟକ ସୁଶାନ୍ତ କୁମାର ରାଉତ,ବିଜେଡି ନେତା ସୁବାସ ପାତ୍ର, ପୂର୍ବତନ ଜିଲ୍ଲା ପରିଷଦ କୁନାଲ ରାଉତ, ୧୨ ନମ୍ବର ଓାର୍ଡ କର୍ପୋରେଟର ଜୟନ୍ତୀ ସାହୁ, ଆଇନଜୀବୀ ସମରେନ୍ଦ୍ର ସାହୁ,ବରିଷ୍ଠ ମୁରବୀ ରବିନ୍ଦ୍ର ପାତ୍ର,ବିଜେଡି ଜିଲ୍ଲା ସମ୍ପାଦକ ପ୍ରଶନ୍ନ କୁମାର ସାହୁ,ଭଗବାନ ଦାସ ପ୍ରମୁଖ ଯୋଗଦେଇ ବୃଦ୍ଧ,ବୃଦ୍ଧା ମାନଙ୍କୁ ସମ୍ବର୍ଦ୍ଧିତ କରିଥିଲେ । ଏହି ଅବସରରେ ଅନନ୍ତ ଚରଣ ପଟ୍ଟନାୟକଙ୍କ ରଚିତ ଭକ୍ତି ଗୀତ ପୁସ୍ତକ ଅନନ୍ତ ଭଜନ ଲୋକାର୍ପିତ ହୋଇଥିଲା । ଶେଷରେ ସୁକାନ୍ତ ରାଉତ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
