ଭୁବନେଶ୍ୱର,୨୧।୪(ବ୍ୟୁରୋ): ରାଜ୍ୟ ସଭା ଏମ୍ପି ପଦରୁ ଇସ୍ତଫା ଦେଇଛନ୍ତି ସୁବାସ ସିଂ । କଟକ ମେୟର ହେବା ପରେ ସେ ଏମ୍ପି ପଦରୁ ଇସ୍ତଫା ଦେଇଛନ୍ତି। ଏନେଇ ଗୁରୁବାର ସେ ଏକ ସାମ୍ବାଦିକ ସମ୍ମିଳନୀ କରି ବିଧିବଦ୍ଧ ଭାବେ ଘୋଷଣା କରିଛନ୍ତି।
କଟକ ମହାନଗର ନିଗମ ନିର୍ବାଚନରେ ମାର୍ଚ୍ଚ ୨୬ରେ ନିର୍ବାଚିତ ହୋଇଥିଲି। ଏପ୍ରିଲ ୭ରେ ମେୟର ଭାବେ ଶପଥ ନେଇଥିଲି। ଏହାପରେ ଆଜି ଏମ୍ପି ପଦରୁ ଇସ୍ତଫା ଦେଉଛି। ଏବେ କେବଳ ଗୋଟିଏ ପଦବୀରେ ରହି କାର୍ଯ୍ୟ କରିବି। ରାଜ୍ୟ ସଭା ଏମ୍ପି ପଦବିରେ ରହି ଗତ ଦୁଇବର୍ଷ ମଧ୍ୟରେ ଓଡିଶାର ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ରାଜ୍ୟସଭାରେ ଉପସ୍ଥାପନ କରିବାକୁ ଉଦ୍ୟମ କରିଛି ବୋଲି ସୁବାସ କହିଛନ୍ତି।
ତେବେ ସୁବାସ ସିଂହ ୨ ବର୍ଷରୁ ଅଧିକ ସମୟ ହେବ ରାଜ୍ୟସଭା ସଭ୍ୟ ଭାବେ କାର୍ଯ୍ୟ କରିଛନ୍ତି। ନିକଟରେ ଶେଷ ହୋଇଥିବା ମହାନଗର ନିଗମ ନିର୍ବାଚନରେ ମେୟର ଭାବେ ନିର୍ବାଚିତ ହେବା ପରେ ରାଜ୍ୟ ସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଭେଙ୍କୟା ନାଇଡୁଙ୍କୁ ଏ ସଂପର୍କରେ ଲିଖିତ ଭାବେ ଅବଗତ କରାଇଥିଲେ। ଏଥିସହ ଆଇନଗତ ଦିଗ କ’ଣ ରହିଛି ବୋଲି ସଂସଦର ପରାମର୍ଶ ଲୋଡ଼ିଥିଲେ। ପାର୍ଲାମେଣ୍ଟ ପକ୍ଷରୁ ଏ ସଂପର୍କରେ ତାଙ୍କୁ ଲିଖିତ ଭାବେ ଜଣାଇ ଦିଆଯିବା ପରେ ବିଧିବଦ୍ଧ ଭାବେ ସେ ରାଜ୍ୟସଭା ସଭ୍ୟ ପଦରୁ ଇସ୍ତଫା ଦେଇଛନ୍ତି
