ସ୍ବଚ୍ଛ ଓ ସୁନ୍ଦର ରାଜଧାନୀ ପାଇଁ ସମସ୍ତଙ୍କ ଉଦ୍ୟମ ଜାରି ରହୁ : ପୁରନ୍ଦର ନନ୍ଦ

ଭୁବନେଶ୍ୱର : ରାଜଧାନୀ ପ୍ରତିଷ୍ଠା ଦିବସ ଅବସରରେ ଉତ୍ତର ଜୋନ୍ ବିଏମ୍‌ସି ପକ୍ଷରୁ ୧୨ନଂ ୱାର୍ଡର କମୁନିଟି ସେଣ୍ଟରଠାରେ ରାଜଧାନୀ ପ୍ରତିଷ୍ଠା ଦିବସ ଉତ୍ସବ ମହା ସମାରୋହରେ ପାଳିତ ହୋଇ ଯାଇଛି ।

ୱାର୍ଡ ଅଧିକାରୀ ରବିନାରାୟଣ ମିଶ୍ରଙ୍କ ସବାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ୧୨ନଂ ୱାର୍ଡର କର୍ପୋରେଟର ଜୟନ୍ତୀ ସାହୁ ଯୋଗ ଦେଇ କହିଥିଲେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପନାୟକଙ୍କ ଅଦମ୍ୟ ପ୍ରଚେଷ୍ଟା ବଳରେ ଆମ ରାଜଧାନୀ ସାରା ବିଶ୍ୱରେ ପରିଚିତ ହୋଇପାରିଛି । ବିଶ୍ୱ କପ୍ ହକି ଆୟୋଜନ କରିବା ସହିତ ସବୁଜ, ସୁନ୍ଦର ରାଜଧାନୀ ପାଇଁ ମୁଖ୍ୟମନ୍ତ୍ରୀଙ୍କ ଅବଦାନ ଅତୁଳନୀୟ । ସେହିପରି ଉତ୍ତର ବିଧାୟକ ସୁଶାନ୍ତ ରାଉତ ମଧ୍ୟ ବିଭିନ୍ନ ଉନ୍ନତି ମୂଳକ କାର୍ଯ୍ୟ ଜାରି ରଖିଛନ୍ତି । ସମ୍ମାନୀତ ଅତିଥି ରୂପେ ଉତ୍ତର ଜୋନ୍‌ର ଡେପୁଟି କମିଶନର ପୁରନ୍ଦର ନନ୍ଦ ଯୋଗ ଦେଇ କହିଥିଲେ । ରାଜଧାନୀକୁ ସ୍ୱଚ୍ଛ ସୁନ୍ଦର କରିବା ପାଇଁ ଆମ ସମସ୍ତଙ୍କର ଉଦ୍ୟମ ଜାରି ରହିବା ଆବଶ୍ୟକ। ଅନ୍ୟତମ ସମ୍ମାନୀତ ଅତିଥି ରୂପେ ଭୁବନେଶ୍ୱର ଜିଲ୍ଲା ବିଜେଡି ସମ୍ପାଦକ ପ୍ରଶନ୍ନ କୁମାର ସାହୁ, ପ୍ରଫୁଲ୍ଲ ଜେନା, ଗଗନ ବିହାରୀ ପଣ୍ଡା ଓ ରଞ୍ଜନ ରାଉତରାୟ ପ୍ରମୁଖ ଯୋଗଦେଇଥିଲେ । ଏହି କାର୍ଯ୍ୟକ୍ରମରେ ୧୨ନଂ ୱାର୍ଡର ରଶ୍ମି ରଞ୍ଜନ ପରିଡା, ପପି ସାହୁ, ସତ୍ୟଜିତ୍ ଭୂୟାଁ, ସୌମ୍ୟ ରଞ୍ଜନ ବାରିକ, ଦିପୁ ଘଡେଇ, ସଞ୍ଜୟ ବାରିକ, ପ୍ରୀତମ୍ କୁମାର ସ୍ୱାଇଁ, ଟୁନା, ନୀଲୁ ଓ ବିଶାଲ ନାୟକ ପ୍ରମୁଖ ଉପସ୍ଥିତ ଥିଲେ । ୱାର୍ଡର ସମସ୍ତ ସ୍ୱୟଂ ସହାୟକ ଗୋଷ୍ଠୀର ମହିଳା ଓ ବୁଦ୍ଧିଜୀବୀ ଉପସ୍ଥିତ ଥିଲେ ।