ଆସୁଛି ନୂଆବର୍ଷ। ଏହାକୁ ନେଇ ଆରମ୍ଭ ହୋଇଛି କଳ୍ପନାଜଳ୍ପନା। ଆଜି ଆମେ ଆପଣଙ୍କୁ ଜ୍ୟୋତିଷଶାସ୍ତ୍ର ଅନୁଯାୟୀ ନୂତନ ବର୍ଷ କିଭଳି ରହିବ, କାହାକୁ କାହାକୁ ଶୁଭଫଳ ପ୍ରଦାନ କରିବ ସେ ନେଇ କହିବାକୁ ଯାଉଛୁ। ଜାଣନ୍ତୁ…
ମେଷ ରାଶି: ଆର୍ଥିକ ଦୃଷ୍ଟିକୋଣରୁ ଏହା ମେଷ ରାଶିର ବ୍ୟକ୍ତିବିଶେଷଙ୍କୁ ଅନୁକୂଳ ଫଳ ଦେବ ବୋଲି କୁହାଯାଉଛି। ଏପ୍ରିଲ ୩ରୁ ବୃହସ୍ପତି ମୀନ ରାଶିରେ ଗୋଚର କରିବେ। ଏଣୁ ଏହି ବର୍ଷ ବିଭିନ୍ନକ୍ଷେତ୍ରରେ ସଫଳତା ଆଣି ଦେବ। କଷ୍ଟକଲେ ନିଶ୍ଚିତ ଫଳ ମିଳିବ। ପ୍ରେମ ଜୀବନ ମଧ୍ୟ ଭଲ ରହିବ। ବ୍ୟବସାୟରେ ଅନେକ ଅବସର ପ୍ରାପ୍ତ ହେବ।
-ବୃଷ ରାଶି: ଏହି ରାଶିର ବ୍ୟକ୍ତିବିଶେଷଙ୍କପାଇଁ ନୂଆ ବର୍ଷ ବହୁତ ଶୁଭ। ଭାଗ୍ୟ ଆପଣଙ୍କ ସହ ରହିବ। ଚାକିରି ହେଉ ଅବା ବ୍ୟାପାର, ସବୁ କ୍ଷେତ୍ରରେ ସଫଳତା ମିଳିବାର ଯୋଗ ରହିଛି। କର୍ମଜୀବନରେ ଉନ୍ନତି ପରିଲକ୍ଷିତ ହେବ। ଆୟର ନୂଆ ସ୍ରୋତ ଉତ୍ପନ୍ନ ହେବ। ଏହି ସମୟରେ ଆପଣ ଧନ ସଞ୍ଚୟ କରିବାରେ ସଫଳ ହେବେ। ବରିଷ୍ଠ ଅଧିକାରୀଙ୍କ ସହ ଭଲ ସମ୍ପର୍କ ରହିବ।
-ସିଂହ ରାଶି: ଏହି ରାଶି ପାଇଁ ନୂତନ ବର୍ଷ ଭଲ ରହିବ। ଆର୍ଥିକ ଜୀବନରେ ସଫଳତା ମିଳିବ। କାର୍ଯ୍ୟକ୍ଷେତ୍ରରେ ଉନ୍ନତି, ପରୀକ୍ଷାରେ ସଫଳତା ମିଳିବ।
-କନ୍ୟା ରାଶି: ଏହି ନୂଆ ବର୍ଷରେ ଆପଣଙ୍କର ଆର୍ଥିକ ସ୍ଥିତି ସୁଦୃଢ଼ ହେବ। କନ୍ୟା ରାଶିର ଜାତକଧାରୀଙ୍କ ପାଇଁ ଆୟର ନୂଆ ସ୍ରୋତ ଉତ୍ପନ୍ନ ହେବ। ସେପ୍ଟେମ୍ବରରୁ ଡିସେମ୍ବର ଶେଷରେ ଅତ୍ୟଧିକ ଶୁଭଫଳ ମିଳିବାର ସମ୍ଭାବନା ରହିଛି।
